Корхона (МЧЖ, ХХТУТ коди 81100 «Тайёрлов ташкилотлари») қишлоқ хўжалиги маҳсулотларини фуқаролардан сотиб олиш далолатномаси асосида харид қилиб, балансга кирим қилади, ва кейин уларни экспорт қилади. Экспортни 07.04.2016й. ПҚ-2515-сон Президент Қарорига асосан «Узагроэкспорт» орқали амалга оширади. Ҳисоб-китоб тартиби қуйидагича: қишлоқ хўжалиги маҳсулотлари учун Қозоғистондан валюта маблағлари «Узагроэкспорт»га келиб тушади, «Узагроэкспорт» валютанинг 50%ини МБ курсида сотиб, сотувдан тушган сўмдаги пул маблағларини (1% мукофот пулини чегириб қолган ҳолда) ҳамда валютадаги пул маблағларининг қолган қисмини корхонанинг ҳисоб рақамига ўтказиб беради. Кейин корхона товарни тўғридан тўғри Қозоғистонга экспорт қилади (БЮДда жўнатувчи сифатида корхонамиз кўрсатилади).