Нам Анжелика

Должность: - экономист

Специализация: налогообложение, бухгалтерский учет

Ишлаб чиқариш асбоб-ускуналарини таъмирлаш натижасида ажратиб олинган рангли металл парчалари ва чиқиндиларини омборга камчиликлар далолатномаси, (эҳтиёт қисмларни) ўрнатиш далолатномаси ва кирим ордери билан қабул қилинади. 

Асосий воситалар ва уларнинг алоҳида қисмларини (конструкцияларини) кўриб чиқиш, хулосага кўра таъмирлаш ишлари ва бу бўйича харажатларни амалга оширишнинг зарурлигини тасдиқлаш учун камчиликлар (дефект) далолатномаси тузилади. Агар таъмирлаш ишлари пудрат усулида амалга оширилса, камчиликлар далолатномаси пудрат ташкилоти билан келишилгандан сўнг раҳбар томонидан тасдиқланади. Камчиликлар далолатномасининг қатъий белгиланган шакли йўқ, асос сифатида АВ-16-сон намунавий шакл “Ускунанинг топилган камчиликлари тўғрисидаги далолатнома”дан фойдаланишингизни маслаҳат берамиз. Далолатнома эркин шаклда бирламчи ҳужжатларни расмийлаштиришга қўйилган талабларга риоя қилинган ҳолда тузилиши керак. Унда шунингдек объект (ёки унинг қисми)нинг техник ҳолати, камчиликларни бартараф қилиш бўйича маслаҳат қилинадиган тадбирлар ва зарур таъмирлаш ишларининг ҳажми ҳамда муддатлари кўрсатилиши керак.

Агар ускуна пудрат ташкилотига бериладиган бўлса, шунингдек, ускунани олди-берди далолатномаси тузилади.

Ўрнатиш (алмаштириш) далолатномаси таъмирлаш натижасида ҳосил бўлган эҳтиёт қисмлари, материаллар, рангли метал парчалари ва чиқиндилари ҳамда шунга ўхшашларни омборга кирим қилиш учун асос бўлади. Далолатнома эркин шаклда икки нусхада тузилиб, корхона раҳбари томонидан тасдиқланган комиссия аъзолари томонидан имзоланади. Далолатноманинг бир нусхасини бухгалтерияга топширилиб, иккинчиси моддий жавобгар шахсда қолади.

Таъмирлаш ишлари тугагач бухгалтерия маълумотноси тузилиб, унда асосий воситаларни таъмирлаш харажатлари, таъмирлаш натижасида олинган моддий қимматликлар рўйхати ва қиймати акс эттирилади.

Омборхона ходими моддий қимматликларни омборга қабул қилишда бир нусхада кирим ордерини (М-4-сон намунавий шакл) расмийлаштиради.

Шунингдек, айтиб ўтиш керакки, қора ва рангли металлар парчалари ва чиқиндиларини тайёрлаш, сақлаш хусусиятларини, уларни топшириш шартномасини тузишдан тортиб чиқиндиларни топширувчилар билан ҳисоб – китоб қилишгача бўлган жараённи “Қора ва рангли металлар парчалари ва чиқиндиларини тайёрлаш, сақлаш, эҳтиётлаш ва топшириш Тартиби “(ЎзР ВМ 05.02.1999 й. 49-сон қарорига 1-илова) тартибга солади.

Омборга рангли металл чиқиндиларини қандай нархда кирим қилишни аниқлаш учун "Тошкент рангли металл парчалари ва чиқиндиларини тайёрлаш ва қайта ишлаш заводи" ОАЖ ва унинг ҳудудий корхоналари томонидан рангли металл парчалари ва чиқиндиларини харид қилиш нархини шакллантириш тартиби тўғрисидаги низом" (АВ 18.08.2016й. 1615-сон билан рўйхатга олинган)га асосланиш керак.

Қуйида чиқиндиларни қабул қилиш бўйича бухгалтерия ўтказмалари келтирилади: