Корхона ЯСТ тўловчиси сифатида Ўзбекистон Республикаси Президентининг 2009 йил 28 январдаги ПҚ-1050-сонли қарорида белгиланган имтиёзлардан фойдаланади. Адлия вазирлигида 02.04.2005 йилда 1463-сон билан рўйхатга олинган Юридик шахсларга солиқлар, божхона ва мажбурий тўловларни бюджетга тўлаш бўйича берилган имтиёзларни расмийлаштириш ва бухгалтерлик ҳисобида акс эттириш тартиби тўғрисидаги Низомнинг 1-иловаси шаклида кўзда тутилган ҳисоботлар ҳар йили тақдим этмасдан режали текшириш бошлангунигача тақдим этса, корхонага нисбатан жазо чораси қўлланиладими? Масалан, имтиёзларни қўллаш натижасида бўшаётган маблағлардан ЯСТ бўйича 10 млн сўмни, республикада ишлаб чиқарилмайдиган ТМБ ва ускуналарни олиб киришда тўланадиган божхона тўловлари (ҚҚС, акциз ва давлат божи) бўйича 100 млн сўмни ташкил этса 1463-сонли Низомнинг 1-иловаси қанақа тартибда тўлдирилади? Адлия вазирлигида 31.03.2009 йилда 1932-сон билан рўйхатга олинган Ноозиқ-овқат истеъмол товарларини ишлаб чиқаришга ихтисослашган корхоналар томонидан солиқ ва божхона имтиёзларини қўллаш тартиби тўғрисидаги Низомнинг 3-иловасида кўзда тутилган маълумотлар кимга ва қачон тақдим этилади?