НОРМА МАСЛАХАТЧИ газетасининг 2017 йил 25 апрелдаги № 17 (614) сонида “ЕТКАЗИБ БЕРИШ КЕЧИКТИРЛГАНИ УЧУН ПЕНЯ” сарловҳасидаги саволга берилган жавобдан махсулот етказиб бериш муддатидан эртаси куни бажарилган мажбурият учун 1 кунга пеня ҳисобланиши юзасидан тушунтириш берилган. Масалан: Махсулот етказиб бериш муддати 2017 йил 16 мартда белгиланган, лекин махсулот 17 мартда етказиб берилса 1 кун кечиктилгани учун пеня ҳисобланади дейилган. ФКнинг 261-моддаси 3-қисмида “Қарздор мажбуриятларнинг бажарилишини кечиктириб юборганида тўлайдиган ва ўтказиб юборилган муддатнинг ҲАР БИР КУНИ учун мажбуриятнинг бажарилмаган қисмига нисбатан фоиз билан ҳисобланадиган неустойка пеня ҳисобланади” деб белгиланган. Юқоридаги ҳолатда махсулот етказиб бериш муддати 2017 йил 16 мартда белгиланган, лекин махсулот 17 мартда етказиб берилган бўлса, айтайлик 17 март куни соат тахминан 12.00 да ёки 15.00 да ва ҳ.к. махсулот етказиб берилган, яъни махсулот 12 соат ёки 15 соат ва ҳ.к соат кечиккан ҳисобланади. 261-моддада эса “ўтказиб юборилган муддатнинг ҲАР БИР КУНИ” учун дейилмоқда. Демак “БИР КУН” бўлиш учун 24 соатдан ортиқ кечикиши керак. Бизнинг фикримизча махсулот белгиланган муддатнинг эртаси куни етказиб берилса 24 соатдан ортиқ бўлмаганлиги, яъни “БИР КУН” ўтмаганлиги учун пеня ҳисобланишини нотўғри деб ҳисоблаймиз. Мазкур ҳолат бўйича “ЖАВОБ БЕРАМИЗ” хизмати 200-00-59 рақамига 2017 йил феврал ойида оғзаки сўровимизга бизнинг фикримизга ўхшаш жавоб берилган эди. Ёзма равишда берилган саволга эса оғзаки жавобнинг акси бўйича жавоб берилган.