Юридик шахс жисмоний шахснинг мулкини ижараг олганида унга тўланадиган даромаддан жисмоний шахслардан олинадиган даромад солиғини ушлаб қолиши керак.  

ФКнинг 577-моддасига мувофиқ, бино ёки иншоотни ижарага бериш шартномасида ижара ҳақининг миқдори назарда тутилиши лозим. Акс ҳолда ижарага бериш шартномаси тузилмаган ҳисобланади.

Жисмоний шахсга тўланадиган ижара ҳақи бўйича бухгалтерияда ижара ҳақини ва у билан боғлиқ солиқни ҳисоб-китоби ҳамда тўлов топшириқномаси расмийлаштирилади.

Ижарадан олинган даромад хизматларни реализация қилишдан даромад сифатида ёҳуд операцион фаолиятнинг бошқа даромадлари сифатида эътироф этилиши мумкин. Давлат мулкини ижарага бериш бўйича оборотлар қўшилган қиймат солиғидан озод этилади.