Ялпи фойда учун ҳисобварақлар режасида алоҳида ҳисобварақ кўзда тутилмаган бўлиб, у маҳсулот (иш, хизматлар) сотишдан олинган соф тушум (9000 ҳисобварақлари) билан сотилган маҳсулот (иш, хизматлар)нинг таннархи ўртасидаги тафовут сифатида аниқланади.

Йўқ, кичик корхона мақомига эга бўлган корхона ҳар чоракда молиявий ҳисоботни солиқ органларига тақдим этиши шарт эмас.

Чораклик ва йиллик молиявий ҳисоботларни тақдим этиш муддатлари тўғрисидаги низомга кўра, кичик корхоналар ва микрофирмалар фақат йиллик молиявий ҳисоботни ҳисобот йилидан кейинги йилнинг 15 февралидан кечиктирмай тақдим этадилар.

Ўтган йилларда молиявий ҳисоботларни тайёрлашда йўл қўйилган ва кейинги йилларда аниқланган хатоликлар 3-сон БҲМСнинг 16-бандига мувофиқ тузатилади.