Агар корхона ходимларини озиқ-овқат билан таъминлаш учун овқатланиш корхонаси билан шартнома тузган бўлса, ходимларнинг овқатланиш қиймати жисмоний шахснинг меҳнатга ҳақ тўлаш тарзидаги даромади, яъни унинг меҳнати учун тўловнинг бир қисми ҳисобланади ва ЖШДС ва ижтимоий солиқ солинади.

Юридик шахс ҳисобланган солиқни фақатгина бюджетга ўтказади, жисмоний шахс ўз даромадини  ШЖБПҲга йўналтириши мумкин.

Чет эллик ходимнинг даромадидан 12% жисмоний шахслар даромад солиғи ушлаб қолинади, шунингдек, улар учун алоҳида ҳисобот шакли мавжуд эмас (ҳисобот пакети коди — 11101_18).

Ушбу тўловлар меҳнатга ҳақ тўлаш тарзидаги даромадлар ва ходимларнинг бошқа даромадлари бўлиб, ЖШДСга тортилади.

Сизнинг вазиятингизда таъсисчи даромад олган деб ҳисобланмайди, у корхонага товар билан берган қарзини шу суммада пул кўринишида қайтариб олган.

Озиқ-овқат ва йўл чипталарининг қиймати ёки озиқ-овқат ва йўл чипталарининг қийматини қоплаш меҳнатга ҳақ тўлаш тарзидаги даромадга киритиладиган компенсация тўловлари (компенсациялар) жумласига киради.

Жисмоний шахснинг пулсиз шаклда киритадиган улуши унинг даромади ҳисобланмайди ва унга ЖШДС солинмайди.

Агар амалга оширган тўловларингиз ҳужжатлар билан тасдиқланган бўлса, улар ходимнинг даромади деб қаралмайди. Бунда ЖШДС ва ижтимоий солиқ бўйича солиқ оқибатлари келиб чиқмайди.

Корхона томонидан ишчи-хизматчиларга боғчага йўлланмани чегирма билан бериш натижасида улар учун ЖШДС бўйича солиқ оқибатлари келиб чиқади.

Солиқ кодексида ёки Молия вазирлиги томонидан берилган тушунтиришда ходим фарзандининг хусусий мактабда ўқиши учун тўлов 5 ой учун олдиндан тўланса, имтиёз 5 ой давомида қўлланилишига чеклов белгиланмаган.

Жисмоний шахсга мулк ҳуқуқи асосида тегишли бўлган мол-мулкни реализация қилишдан олинган даромадлар мулкий даромадлар ҳисобланади.

Устав фондига киритилган маблағлар фойда солиғи бўйича солиқ базасини ҳисобланлашда ҳисобга олинмайди ва солиққа тортилмайди.

2025 йилдан бошлаб Қорақалпоғистон Республикаси Жўқорғи Кенгеси, вилоятлар халқ депутатлари Кенгашларига туман ва шаҳарларнинг иқтисодий ривожланиш даражасига қараб турар жой ва нотурар жой хоналари бўйича ижара тўловининг энг кам ставкаларига 2,0 гача оширувчи коэффициентни жорий этиш ҳуқуқи берилган.

Ходимларга моддий ёрдам беришда унинг мақсади ва мазмунига қараб Солиқ Кодексида белгиланган чекловлар доирасида айрим турдаги ёрдамлар ЖШДСдан озод қилинади, қолган ҳолатларда эса даромад сифатида солиққа тортилади.

Иш ҳақи ҳисобидан бўнак бериш чоғида солиқ ушлаб қолинмайди ва бюджетга тўланмайди.