Корхонада хизмат вазифаларини бажариш учун уяли алоқа телефонларидан фойдаланиши керак бўлган ходимлар рўйхатини кўрсатган ҳолда буйруқ расмийлаштириш лозим.

Таъсисчи корхонадан ўз улушини олиб чиқиб кетаётганида, унга улушнинг ҳақиқий қиймати тўлаб берилиши керак.

Жисмоний шахсга мулк ҳуқуқи асосида тегишли бўлган мол-мулкни реализация қилишдан олинган даромадлар мулкий даромадларга киради ва солиққа тортилади.

Юридик шахс устав фондидаги улуш чет эллик корхона томонидан бошқа юридик шахсга ёки норезидент бўлган жисмоний шахсга ёхуд Ўзбекистон Республикаси резидентига реализация қилинган бўлса, бунда норезидент даромадига солинадиган солиқ бўйича солиқ оқибатлари СК 356-моддасига кўра аниқланади.

Жисмоний шахсга хусусий мулк ҳуқуқи асосида тегишли бўлган ТМЗларни сотишдан олинадиган даромадлар ЖШДСга тортилмайди.

Йўқ, ушбу ҳолатда корхона ва таъсисчида солиқ оқибатлари вужудга келмайди.

Касаба уюшмаси қўмитаси томонидан амалга ошириладиган тўловлар, шу жумладан аъзолик бадаллари ҳисобидан касаба уюшмаси аъзоларига бериладиган моддий ёрдам жисмоний шахсларнинг даромади сифатида қаралмайди ва солиққа тортилмайди.

Боқувчиси вафот этганлиги муносабати билан зарарни ундиришга ҳақли бўлган шахсларга бир йўла тўланадиган нафақа тариқасида марҳумнинг ўртача йиллик иш ҳақининг олти баравари миқдоридаги тўловлар ушбу жисмоний шахсларнинг даромади ҳисобланмайди.

Жисмоний шахс ўзига тегишли мол-мулкни корхона олдидаги қарзини ёпиш учун берса, бунда қарз суммаси ва мол-мулк қиймати бир-бирига тенг бўлса, томонлар учун солиқ оқибатлари келиб чиқмайди.

Ҳомиладорлик ва туғиш нафақаси солиқ солиш мақсадида ходиманинг даромади ҳисобланмайди ва солиққа тортилмайди.

Ходимга меҳнатда майиб бўлганлиги, касб касаллиги ёхуд соғлиғига бошқача тарзда шикаст етганлиги билан боғлиқ ҳолда кўрсатиладиган моддий ёрдам суммаларига солиқ даври учун меҳнатга ҳақ тўлашнинг энг кам миқдорининг 4,22 бараваригача миқдорда ЖШДС солинмайди.

Корхона томонидан ходимларнинг малакасини ошириш ва уларни қайта тайёрлаш харажатлари ушбу ходимларнинг даромади сифатида қаралмайди, демак, ЖШДСга тортилмайди.

Ходимнинг бошқа даромадларига ЖШДС солинади ва ШЖБПҲга мажбурий бадаллар ҳисобланади

Корхона таъсисчисига дивиденд тўлаганида, солиқ агенти сифатида ушбу дивиденд суммасини солиққа тортиши лозим.

Таъсисчига қайтарилаётган соф активлар қийматидаги улушининг устав фондидаги улуши суммасидан юқори қисми дивиденд деб эътироф этилиб, солиққа тортилади.