Предмети ишларни бажариш ва хизматлар кўрсатишдан иборат бўлган, тузилган фуқаролик-ҳуқуқий тусдаги шартномаларга мувофиқ жисмоний шахсларга тўловлар (бундан якка тартибдаги тадбиркорлик фаолиятидан олинган даромадлар мустасно) меҳнатга ҳақ тўлаш тарзидаги даромадлар жумласига киритилади.

Талабаларнинг таълим олиши учун Ўзбекистон Республикасининг олий таълим ташкилотлари билан тўғридан-тўғри шартномалар бўйича пулли-контракт асосида ўтказиладиган маблағлар жисмоний шахснинг даромадлари сифатида қаралмайди.

СК 377-моддаси 10-бандида кўрсатилган моддий ёрдам суммаларига СК 378-моддаси 1-бандида ЖШДСдан имтиёз белгиланган.

Таъсисчилар юридик ёки жисмоний шахс эканлигидан келиб чиққан ҳолда дивидендлар солиқ агентида мос равишда фойда солиғи  ёки ЖШДСга тортилади.

Юридик шахсдан фарқли равишда, ЯТТ – жисмоний шахс. У тарбиркорлик субъекти сифатида рўйхатдан ўтгач, тадбиркорлик фаолиятини амалга оширади. ЯТТ тадбиркорлик сифатида фаолиятини тўхтатсада, ўша жисмоний шахснинг ўзи ЯТТ бўлган давридан келиб чиққан ҳуқуқларига ҳақли ва мажбуриятларини бажаради.

Корхона ходимларига телефон олиб берса, ходимларда моддий наф тарзидаги даромад вужудга келади. Ходимлар кўрган моддий наф тарзидаги даромадлар ЖШДСга ва ФЖБПТга мажбурий ажратмаларга тортилади.

Агар 1 ойлик ўқиш учун тўлов суммаси 2,8 млн.сўмга тенг бўлса, 2022 йилнинг сентябрь ва октябрь ойларида ҳар бир ой учун ходимнинг айнан 2,8 млн.сўм миқдоридаги иш ҳақига нисбатан имтиёз қўлланилади.

Корхона таъсисчиси ва ходими фарзандларининг ўқув контрактлари корхона ҳисобидан тўлаб берилиб, уларнинг дивидендидан ёки иш ҳақидан ушлаб қолинмаса, таъсисчи ва ходимда моддий наф тарзидаги даромад вужудга келади. Моддий наф тарзидаги даромад ЖШДСга тортилади.

Имтиёзни Ҳисоб-китобга 2-иловада кўрсатиш керак.

Сиз келтирган вазиятда таъсисчи ўз улушини номинал қийматда сотганлиги сабабли солиқ оқибатлари вужудга келмайди.

Мажбурий прогул вақти учун ҳақ тўлаш ишланмаган вақт учун ҳақ тўлаш ҳисобланади ва меҳнатга ҳақ тўлаш тарзидаги даромадларга киритилади.

Жисмоний шахс бўлмиш таъсисчи корхонага ТМЗларни ҳадя шартномаси асосида берганида, бу жисмоний шахс даромад кўрмайди, ЖШДС бўйича солиқ оқибатлари вужудга келмайди.

Корхона таъсисчисига дивиденд тўлаб берар экан, ундан ЖШДСни ушлаб қолиб, дивиденд тўланадиган кундан кечиктирмасдан бюджетга тўлаб бериши керак.

Жисмоний шахсларнинг уй хўжалигида, шу жумладан деҳқон хўжалигида етиштирилган қорамолларни тирик ҳолда ҳамда уларни сўйиб, маҳсулотларини хом ёки қайта ишланган ҳолда сотишдан (бундан саноатда қайта ишлаш мустасно) олинадиган даромадларига ЖШДС солинмайди.

Таъсисчига дивиденд тўланганида унда мулкий даромад вужудга келади. Мулкий даромадлар солиқ агентида ЖШДСга тортилади.