Асосий восита сотилганда айланмадан солиқ солиш базасига фақат сотишдан олинган даромад қўшилади, сотиш қиймати эмас.  

Айланмадан олинадиган солиқ бўйича солиқ солинадиган базани аниқлашда жами даромад таркибига асосий воситаларни сотишдан олинган даромад (фойда) киритилади.

Бош лойиҳалаштирувчи ташкилот корхонангиз томонидан бажарилган хизматлар бўйича солиқ тўламайди, факат ўз кучи билан бажарилган хизматлар ҳақидан айланмадан олинадиган солиқ тўлайди.

Корхона директори томонидан ҳисоб рақамга китирилган пул маблағи солиққа тортилиши ёки тортилмаслиги, пул қандай асос билан киритилганлигига боғлиқ.

Айланмадан олинадиган солиқ бўйича имтиёз НКМ аппарати орқали қўлланилмайди. У солиқ ҳисоботини тақдим этишда қўлланилади.

ЯТТ томонидан олинган даромад декабрь ойи давомида 100 млн сўмдан ошган бўлса, бу ойда у икки хил - 100 млн.сўмга етмаган даромади бўйича қатъий белгиланган миқдорда солиқни, ҳамда даромад суммасининг 100,0 млн сўмдан ошган қисмидан айланмадан олинадиган солиқни тўлайди.

Солиқ даврида товарларни (хизматларни) реализация қилишдан олинган жами даромади 1 млрд. сўмдан ошмаган Ўзбекистон Республикаси юридик шахслари айланмадан олинадиган солиқ тўловчилари бўлишлари мумкин.

Айланмадан солиқ тўловчи бўлган корхона чел эл корхонасининг филиалига бинони ижарага берса, ҚҚС тўламайди.

Акциядорларнинг розилиги билан ушбу суммаларни корхона даромадга олганида, мажбуриятларни ҳисобдан чиқаришдан олинган даромад деб тан олиниб, солиқ оқибатлари вужудга келади.

Корхонангиз даромад кўрмади. Шу сабабли солиқ оқибатлари ҳам вужудга келмайди.

Агар ЯТТ аҳоли сони 100 минг кишидан кам аҳоли пунктларида чакана савдо  фаолиятини амалга оширса, у айланмадан олинадиган солиқни 2 фоизли ставкада тўлайди.