Жавоб берамиз

Солиқ солинадиган ва солиқдан озод этилган айланма мавжуд бўлганда ҳисобга олинадиган ҚҚС суммасини  алоҳида-алоҳида ёки мутаносиб усуллардан бири бўйича аниқланади.

Агар бундай харажат иқтисодий жиҳатдан оқланган бўлса, фойда солиғи бўйича солиқ базасини аниқлашда чегирилади.

Вазирлар Маҳкамаси Қарори асосида дебиторлик қарздорлик ҳисобдан чиқарилганда юзага келган зарар, фойда солиғи бўйича солиқ базасини аниқлашда чегириладиган харажат ҳисобланади.

Хизмат сафари ходимнинг иш берувчи фармойишига биноан доимий иш жойидан ташқарида хизмат топшириғини бажариш учун бошқа жойга маълум муддатга қиладиган сафаридир.

Жисмоний шахснинг  Ўзбекистон Республикасининг прoфессионал ва олий таълим ташкилотларида таълим олиш (ўзининг, шунингдек йигирма олти ёшга тўлмаган фарзандларининг ёки эрининг (хотинининг) таълим олиши) учун тўловга йўналтирилган ЖШДС солиниши лозим бўлган даромадларига солиқ солинмайди.

Ишга тушириш далолатномаси бирламчи  бухгалтерия ҳужжати ҳисобланиб, намунавий шакли Ўзбекистон Республикаси қонунчилиги ҳужжатлари билан тасдиқланмаган.

Агар корхона етим болаларга уй - жой олиб берса, етим болаларда моддий наф кўринишидаги даромад юзага келади.

Ихтисослаштирилган газ таъминоти корхоналари орқали аҳолига суюлтирилган газни маиший эҳтиёжлар учун реализация қилиш акциз солиғи солиш объекти ҳисобланмайди.

Агар сиз солиқ органининг қарорига рози бўлмасангиз, корхонангиз юқори турувчи органга ёки судга шикоят қилишга ҳақли.

Бундан буён ЖШДСни тўлов манбаида ҳисоблаб чиқариш, ушлаб қолиш ва бюджетга ўтказиш, шунингдек солиқ ҳисоботини ўз вақтида тақдим этиш керак.

Корхона ўзига тегишли турар жойдан хизмат турар жойи сифатида, яъни корхонанинг хизмат мақсадларида фойдаланилганда у билан боғлиқ харажатлар чегириладиган харажатлар ҳисобланади.

Ходимларга бериладиган иссиқ овқат қиймати меҳнатга ҳақ тўлаш тарзидаги даромадлар таркибида компенсация тўловларига киради ҳамда ижтимоий солиқ, ЖШДС ва ФЖБПТга мажбурий ажратмаларга тортилади.

Сизнинг ташкилотингиз ходимларига совғалар ва йўлланмаларни касаба уюшмаси харид қилиб бериши сабабли, у жисмоний шахсларнинг даромадлари бўйича солиқ агенти ҳисобланади.

Жисмоний ва юридик шахслар ўз кўчмас мулкларини ижарачи билан келишилган нархда ижарага беришлари мумкин. Оширувчи коэффициентлар асосида ҳисоблаб чиқарилган минимал ижара ставкалари фақат солиқ солиш мақсадида қўлланилади.

Агар электрон савдодан олинган даромадлар жорий ҳисобот (солиқ) даври якунлари бўйича жами даромаднинг камида 90 %ини ташкил этса, фойда солиғи бўйича пасайтирилган солиқ ставкаси қўлланилади.