Жавоб берамиз

Корхона ўзига тегишли турар жойдан хизмат турар жойи сифатида, яъни корхонанинг хизмат мақсадларида фойдаланилганда у билан боғлиқ харажатлар чегириладиган харажатлар ҳисобланади.

Ходимларга бериладиган иссиқ овқат қиймати меҳнатга ҳақ тўлаш тарзидаги даромадлар таркибида компенсация тўловларига киради ҳамда ижтимоий солиқ, ЖШДС ва ФЖБПТга мажбурий ажратмаларга тортилади.

Сизнинг ташкилотингиз ходимларига совғалар ва йўлланмаларни касаба уюшмаси харид қилиб бериши сабабли, у жисмоний шахсларнинг даромадлари бўйича солиқ агенти ҳисобланади.

Жисмоний ва юридик шахслар ўз кўчмас мулкларини ижарачи билан келишилган нархда ижарага беришлари мумкин. Оширувчи коэффициентлар асосида ҳисоблаб чиқарилган минимал ижара ставкалари фақат солиқ солиш мақсадида қўлланилади.

Агар электрон савдодан олинган даромадлар жорий ҳисобот (солиқ) даври якунлари бўйича жами даромаднинг камида 90 %ини ташкил этса, фойда солиғи бўйича пасайтирилган солиқ ставкаси қўлланилади.

Ҳа, 2025 йил 1 январдан тайёр маҳсулот экспортида ҚҚС ставкаси 0%, фойда солиғи ставкаси 15%ни ташкил этади.

Корхона ҚҚС гувоҳномаси олинган санагача бўлган “кирувчи” ҚҚСни ҳисобга олишга ҳақли эмас.

Ташиш ва (ёки) транспортда ташиш бўйича хизматлар ёхуд бевосита ташиш ва (ёки) транспортда ташиш билан боғлиқ хизматлар чет эллик шахслар томонидан кўрсатиладиган бўлса, агар жўнатиш пункти ва белгиланган пункт Ўзбекистон Республикаси ҳудудида жойлашган бўлса, Ўзбекистон Республикаси ҳудуди хизматларни реализация қилиш жойи деб эътироф этилади.

«Умра» зиёратини ташкил этиш хизматлари «Умра» тадбирларини ташкил этиш ва ўтказиш фаолиятини лицензиялаш тартиби тўғрисида Низомга мувофиқ бериладиган лицензия асосида амалга оширилади.

Ер қаърини геологик жиҳатдан ўрганиш учун рухсатномани номоддий актив сифатида тан олишингиз мумкин, чунки ушбу рухсатнома номоддий активларнинг тан олиниш талабларига жавоб беради.

"ЯММТ" ИДАКга меҳнат шартномани киритиш учун ЯММТ" ИДАК комплексини бошқариш дирекциясига мурожаат қилиш керак.

Хизмат сафаридаги харажатлар бўйича тўланадиган компенсациянинг қанча миқдори ходимнинг даромади ҳисобланмаслиги ва шу сабабли солиққа тортилмаслиги СК 369-м. 3-қ. 8-бандида белгиланган.

Корхонангиз текин олинган НМАнинг бозор қийматидан келиб чиққан ҳолда фойда солиғини тўлаб бериши лозим.

2025 йилдан солиқ қонунчилигига киритиладиган ўзгаришлар ҳақида сўз юритишга ҳозирча эртароқ, қонун ҳужжати ҳали қабул қилинмаган. Одатда бундай қонун ҳужжати ҳар йили декабрь ойининг охирги кунларида қабул қилинади ва чоп этилади.