Ходим иш ҳақининг қанча миқдорини ҳаётини суғурталашга йуналтириши мумкин?

Ходимимиз суғурта агентлиги билан ҳаётни узоқ муддатли суғурта қилиш шартномасини имзолаган (13ой). Шартномага кўра 13 ой давомида ҳар ой 2 000 000 (икки миллион) сўмдан суғурта агентлигига ойлик маошидан ўтказиб бериш керак. Солиқ кодексининг 179-моддасининг 28 бандига асосан "Фуқароларнинг солиқ солинадиган ва Ўзбекистон Республикасида суғурта фаолиятини амалга ошириш учун лицензияга эга бўлган юридик шахсларга ҳаётни узоқ муддатли суғурта қилиш бўйича суғурта мукофотлари тўлови учун йўналтириладиган иш ҳақи ва бошқа даромадларининг суммалари соликка тортилмайди". Ходимнинг ойлик маоши ҳамда қўшимчалар билан ҳисобланганда 2 280 000 сўмни ташкил этади. Пенсия жамғармасига суғурта бадалини ушлагандан сўнг, 179 модда 28 бандига асосан даромад солиғини ушламаган ҳолда, суғурта агентлигига 2 000 000 сўмни, яъни ходимнинг тўлиқ иш ҳақини ўтказиб бериш керак.