Корхонамизда иш ўзбек тилида юритилади. Корхона штатлар жадвалига “Бош ҳисобчи” ва “Ҳисобчи” номи билан штат бирликлари киритилган. Яқинда компаниямиз масъул ходими бизга қўнғироқ қилиб, солиқ органи ходими корхона томонидан тақдим қилинадиган ҳисоботга “Бош бухгалтер” ва “Бухгалтер” номи билан киритишни сўраётганини, шу сабабли ушбу масалага ойдинлик киритишни сўради. ВМнинг 19.06.2015 йилдаги 164-сон қарори билан тасдиқланган “Хизматчиларнинг асосий лавозимлари ва ишчилар касблари Классификатори”нинг 1-иловаси “Ишчиларнинг асосий касблари” ва 2-иловаси “Хизматчиларнинг асосий лавозимлари” рус тилида берилган бўлиб, амалиётда классификаторни қўллашда (касбларни ўзбек тилига таржима қилишда) кўплаб ноқулайликлар юзага келмоқда. Масалан, “Хизматчиларнинг асосий лавозимлари Классификатори”да 227-тартиб рақами, ММСК бўйича 1231 коди билан “Главный бухгалтер” лавозими рўйхатга олинган. Ёки 122-тартиб рақами, ММСК бўйича 2411 коди билан “Бухгалтер” лавозими рўйхатга олинган.