Бюджет субсидиялари ҳисоби ва солиқ оқибатлари

Жамиятимиз улгуржи савдо билан шуғулланади, умумбелгиланган солиқларни тўлайди. Жамиятимиз ва Тошкент шаҳар ҳокимлиги «Муниципал активларни бошқариш маркази» ўртасида маҳсулот етказиб бериш ва унинг савдосини ташкиллаштириш тўғрисида шартнома имзоланган. Жамиятимиз шартномага асосан Марказнинг буюртмаси асосида белгиланган миқдорда ва муддатда ҳудудий деҳқон бозорларида ўсимлик ёғини белгиланган чекланган нархларда аҳолига сотиш мажбуриятини олган. Шартномага мувофиқ маҳсулотни етказиб бериш нархи 1 литри учун 12 500 сўмни, маҳсулот аҳолига сотиладиган чекланган нархи эса 1 литри учун 11 500 сўмдан 12 000 сўмгача бўлган суммани ташкил этади. Марказ Жамият томонидан аҳоли эҳтиёжи учун чекланган нархда сотилган махсулотлар нархининг тафовутини ҳокимлик субсидиялар хисобидан тўлаб бериш мажбуриятини олган.