Компенсация тўланадиган, фойдаланилмаган таътил кунлар сонини аниқлаш

Ходим 2022 йил 10 ноябрда ишга қабул қилинган эди, 2022 йил 21 декабрда эса у ишдан бўшатилди. Меҳнат шартномасига мувофиқ, таътилнинг давомийлик муддати 15 кунни ташкил этади. Мазкур ҳолатда кадрлар бўлими билан баҳс юзага келади. Бухгалтерия ходим учун тегишли компенсацияни 1 ой учун ҳисоблайди, бунинг сабаби 10 ноябрдан 10 декабргача – 1 та тўлиқ ой, 11 декабрдан 21 декабргача бўлган кунлар эса ҳисобга олинмайди, чунки у 15 кундан кам. Натижада, фойдаланилмаган таътил учун компенсация 1 кун учун тўлаб берилиши лозим: 15 / 12 х 1 = 1,25 (бутун сонга яхлитланади). Кадрлар бўлими ноябрь ойи учун 15 кундан ортиқ, декабрь ойи учун 15 кундан ортиқ, ҳар бир ой учун жами 1,25 кундан - 2,5 кунлик таътил кунларини ҳисоблайди, уларни 3 кунга яхлитлайди, ва фойдаланилмаган таътил учун компенсация 3 кун учун тўланиши лозимлигини тасдиқлайди.