Транспорт вазирлиги томонидан грант лойиҳаси амалга оширилмоқда. Лойиҳа 6 йилга (2022-2027 йиллар) мўлжалланган бўлиб, халқаро ташкилот - Глобал экологик жамғарманинг ташқи беғараз грант маблағлари эвазига молиялаштирилади. Лойиҳани амалга ошириш мақсадида Транспорт вазирлиги ҳузурида юридик мақомга эга бўлмаган, 6 та штат бирлигидан иборат Лойиҳани бошқариш гуруҳи ташкил этилган. Лойиҳани бошқариш гуруҳи ходимлари лойиҳани амалга ошириш муддатига мутаносиб даврга меҳнат шартномаси ва фуқаролик-ҳуқуқий шартнома асосида ишга қабул қилинган. Барча ходимларнинг ойлик маоши миқдори ҳамда хизматлар учун тўлов миқдори БМТТД билан келишилган ва грант маблағлари ҳисобидан молиялаштирилади. Лойиҳа ҳужжатида ойлик маош ва хизматлар учун тўлов миқдори белгиланган бўлса-да, меҳнат таътили билан боғлиқ масалалар баён этилмаган. Бироқ лойиҳа хужжатида лойиҳа миллий қонунчиликка мувофиқ амалга оширилиши белгиланган.