8510 «Мулкни қайта баҳолаш бўйича тузатишлар» счётидаги суммаларни ҳисобдан чиқариш

Корхона асосий воситаларни узоқ йиллар давомида мажбурий қайта баҳолашдан ўтказиб келган. Қайта баҳолаш сальдоси фарқи 8510 счётида юритилган. 2021 йил 1 январдан бошлаб барча хўжалик юритувчи субъектлар учун асосий фондларни мажбурий қайта баҳолаш бекор қилинди. Корхона асосий воситаларини қайта баҳолашни тўхтатди. Ҳозирда 8510 счётида қайта баҳолаш резерви ҳар бир асосий восита кесимида жамланган. Корхона асосий воситаларни бепул берганида ёки сотганида, уларнинг бошланғич қиймати ва жамғарилган эскириши ҳисобдан чиқарилган, қайта баҳолаш резервлари эса ҳисобдан чиқарилмай қолган.