Касса операцияларини юритиш тартибини бузишда жарималар

Чакана савдо билан шуғулланувчи корхона ҚҚС тўлайди, савдо дўкони онлайн-НКМ билан жиҳозланган. Бир кунлик савдо тушуми 50-60 млн.сўм атрофида. Кассадаги пул маблағи йиғиб борилади, директор вақти бўлганида банкка бориб топширади. Масалан, икки ҳафтада бир, баъзида бир ойда бир ойнинг охирги кунида банкдаги ҳисоб рақамга савдо тушуми топширилади. Ўтган ойнинг охирги санасида банкка топширилган нақд пул савдо тушуми онлайн-НКМга урилган чек суммаларидан 100 млн.сўмга кўп топширилганлиги аниқланди. Аниқланган вақтнинг ўзида онлайн-НКМга қўшимча 100 млн.сўмга чек урилиб, банкка топширилган накд пул суммаси ва онлайн-НКМга урилган савдо тушуми суммалари бир-бирига мос келадиган қилинди.