Кўчмас мулк билан бирга ерга тегишли ҳуқуқ ҳам ўтади

Янги ташкил қилинган МЧЖ 2026 йил 29 октябрда "Онлайн аукционларни ташкил этиш" АЖ дан ишлаб чиқариш мажмуасини 6 млрд сўмга ютиб олди. Ғолиблик баённомаси расмийлаштирилган. Мазкур ишлаб чиқариш мажмуаси тижорат банкининг балансида бўлган. Онлайн аукционларга чиқаришдан олдин тижорат банки мажмуани баҳолаш корхонаси орқали баҳолаган. Баҳолаш ҳисоботида эса мажмуанинг баҳоси 7 млрд сўм деб кўрсатилган. Мажмуага бино ва иншоотлар, ускуналар билан бирга ердан фойдаланиш ҳуқуқи деб 500 млн сум киритилган. Ғолиблик баённомасида фақатгина мажмуанинг сотиб олиш баҳоси деб 6 млрд сўм кўрсатилган.