Устав капиталига киритилган қурилиш материаллари бўйича солиқ оқибатлари

Корхонамиз ўзининг асосий фаолияти (улгуржи савдо, ишлаб чиқариш ва мол-мулкни ижарага бериш) учун мўлжалланган нотурар бинони таъсисчиларнинг устав капиталига қўшимча улуши ҳисобидан ўз кучи билан қурди. Таъсисчилар қурилиш материалларини киритган бўлиб, уларнинг умумий қиймати 4 млрд сўмни ташкил этади. Устав капитали оширилганлиги Ягона дарча орқали давлат рўйхатидан ўтказилган. Таъсисчилар томонидан киритилган қурилиш материаллари қабул қилиш-топшириш далолатномалари асосида корхона балансига қабул қилинган. Бироқ таъсисчиларда ушбу қурилиш материалларини сотиб олганлигини тасдиқловчи чеклар ёки бошқа тасдиқловчи ҳужжатлар мавжуд эмас. Таъсисчилар томонидан киритилган улуш Солиқ кодексининг тегишли нормаларига мувофиқ солиқ солиш объекти деб ҳисобланмаган ва мазкур операция бўйича солиқлар ҳисобланмаган. Қўшимча маълумот: мазкур ҳолат бўйича солиқ органларидан ҳеч қандай хабарнома келмаган.