Юридик шахс бўлмаган деҳқон хўжалиги ўзига тегишли ер майдонида мевали дарахт кўчатларини етиштиради ҳамда уларни юридик ва жисмоний шахсларга пул ўтказиш йўли билан сотади. Солиқ кодексига биноан жисмоний шахслар солиқ агенти ҳисобланмайди. Лекин солиқ инспекцияси бизнинг фаолиятимизни текшириш жараёнида жисмоний шахслар ҳисобварағига ўтказилган маблағлардан даромад солиғи ушлаб қолишимиз кераклигини қайд қилишди. СКда жисмоний шахс бошқа жисмоний шахсга маблағ ўтказганда даромад солиғини ушлаб қолиши кўзда тутилмаган бўлишига қарамай, бизга катта миқдорда қўшимча солиқ ҳисобланди. Текширувчиларнинг фикрича, биз юридик мақомдаги корхона каби фаолият юритган эканмиз.