Корхонанинг асосий фаолият тури – транспорт хизматлари кўрсатиш (йўловчиларни ташиш), тегишли гувоҳнома, шунингдек шаҳарда ва шаҳар атрофида йўловчиларни ташиш учун Автомобиль ва дарё транспорти агентлигининг лицензиясига эга. Ушбу ҳужжатлар асосида Термиз шаҳри ҳудудида алоҳида йўналиш бўйича йўловчиларни ташиш бўйича хизматлар кўрсатиляпти. 2011 йилда корхона банк орқали лизинг шартномаси асосида “Исузу” автобусларини сотиб олди. Лизинг шартномасига асосан “Ҳамкорбанк”нинг Термиз филиали лизинг берувчи ҳисобланади, автобуслар унинг балансида. Лизинг шартномаси шартларига кўра тўловлар тўлиқ амалга оширилгандан кейин зарур ҳужжатлар расмийлаштирилган ҳолда автобуслар корхона балансига топширилиши керак. Корхона тўловларни тўлиқ амалга оширди. Автобусларни корхонага расмийлаштиришда ЙҲХБ ходимлари Республика йўл жамғармасига йиғим тўлашни талаб қилишаётир.