Йўқ, акциз тўланадиган товарлар учун акциз солиғи ҚҚС бўйича солиқ базасига киритилади, акциз солиғи учун тўланган ҚҚСни қайтариб ололмайсиз.

Мол етказиб берувчилардан бюджетга тўлаб берилган ҚҚС суммаларини ундириш учун иқтисодий судга даъво киритиш керак.

2007 йил таҳриридаги СК 135-моддасига мувофиқ қарз берувчига фоизли даромад тўлаш мажбуриятисиз заём олинаётганда заёмни олиш санасидаги МБнинг қайта молиялаштириш ставкасидан келиб чиққан ҳолда аниқланган қарз олувчининг даромади ялпи тушумга киради.

МЧЖ ўз таъсисчисига устав фондидаги улушини қайтариш ҳисобига автомашинани берганида, бу товарни реализация қилиш айланмаси ҳисобланади ва ҚҚСга тортилади.

Барча солиқ имтиёзларидан фойдаланиш солиқ тўловчининг ҳуқуқи, яъни истаса фойдаланади, истамаса – йўқ. ҚҚСдан озод қилиш кўринишидаги имтиёздан эса фойдаланишга мажбур.

Йўқ, ҚҚС тўловчиси гувохномаси тўхтатилган вақтда ҳисобга олинмаган кирувчи ҚҚС суммаларини гувохнома тикланганидан кейин ўша давр учун аниқлаштирилган ҚҚС ҳисоб-китобини топшириб ҳам, кейинги даврлар учун ҳисоб-китобда кўрсатиб ҳам ҳисобга олиб бўлмайди.

Техникани бошқа ташкилотга текинга бериш товарларни реализация қилиш айланмаси ҳисобланади ва ҚҚСга тортилади.

Агар корхона кўчмас мулк объектини ижарага бериш учун қураётган бўлса, объектни қуриш ва жиҳозлаш учун сотиб олинган товарлар (хизматлар) бўйича ҚҚСни ҳисобга олишга ҳақли.

Хизматлар 15% ставкада ҚҚС билан амалга оширилади, шартнома ҳам шундай тузилиши керак.

Ўзбекистон Республикаси ҳудудида давлат мол-мулки реализация қилинганда (берилганда) ҚҚС бўйича солиқ базаси солиқ агенти томонидан аниқланади.

ҚҚС тўлашдан озод этиш бекор қилинган тақдирда солиқ тўловчи озод қилишни бекор қилиш санасида ўз балансида мавжуд бўлган ТМЗлар қолдиқларининг ва узоқ муддатли активларнинг баланс қийматида ҳисобга олинган солиқ суммасини СК 266-м. 1-қисмида белгиланган шартларга риоя этилган тақдирда, ҳисобга олиш ҳуқуқига эга.

Молия вазирлиги Солиқ-божхона сиёсати ва даромадларни прогнозлаштириш департаменти директори Иродахон АББОСХОНОВА жавоб берди

СК 255-моддасига кўра тўланган ҚҚС суммасини СК 37-бобига мувофиқ ҳисобга олиш мумкин.

Комиссионер импорт чоғида тўланган ҚҚС суммасини дарҳол ҳисобга ололмайди, товарни реализация қилганида ушбу реализация қилинган товарлар улушига тўғри келадиган улушда ҳисобга олади.

Эксперт фикрига кўра лизингга берувчи томонидан амалга оширилган харажатларни қоплаб бериш учун томонлар далолатнома расмийлаштиришлари керак, унга харажатлар ҳақиқатда амалга оширилганлигини тасдиқловчи ҳужжат илова қилинади.