Жавоб берамиз

Кредит бўйича фоизлар кўринишидаги харажатлар кредит шартномасида кўрсатилган ҳақиқий ставкадан келиб чиқиб чегириладиган харажат ҳисобланади.

Алкоголли маҳсулот ва алкоголсиз ичимликларни ишлаб чиқариш ва бошқа мақсадлар учун фойдаланилган сувнинг ҳажми ишлаб чиқарувчи юридик шахслар учун солиқ базаси ҳисобланади.

Корхона қўшимча тўланган ҚҚС суммасини божхона қийматига тузатиш киритишни расмийлаштириш (тузатилган БЮД) санасида ҳисобга олишга ҳақли.

Акциз тўланадиган товарларни бепул бериш, уларнинг реализацияси дея ҳисобланади.

Ўзбекистон Республикасининг божхона чегараси орқали товарларни олиб киришни (импортни) амалга оширувчи юридик шахслар ва якка тартибдаги тадбиркорлар қайси сана олдинроқ келишига қараб импорт шартномаси тузилган ёки товарлар олиб кирилган (импорт қилинган) санадан бошлаб қўшилган қиймат солиғини ҳамда фойда солиғини тўлашга ўтади.

Малакаси ва меҳнат унумдорлиги юқорироқ бўлган ходимлар дега тушунча қонунчиликда аниқ берилмаган.

Аввалги даврлар учун ҳисобга олинган ҚҚС суммаларини тиклаб бюджетга тўлаб бериш ёки тикламасликни А корхона ўзи ҳал қилади.

Савол матнида келтирилган маълумот асосида солиқ имтиёзи йўқ.

Предмети ишларни бажариш ва хизматлар кўрсатишдан иборат бўлган, тузилган фуқаролик-ҳуқуқий тусдаги шартномаларга мувофиқ жисмоний шахсларга тўловлар меҳнатга ҳақ тўлаш тарзидаги даромадлар жумласига киради.

Сизнинг вазиятингизга НМАнинг бозор баҳосини аниқлаш имконияти мавжуд бўлмаса, ушбу НМА корхонага кирим қилинган кундаги 100 минг АҚШ долларининг сўмдаги эквивалентида бошланғич қийматни аниқлаш ва ҳисобга кирим қилиш мақсадга мувофиқ. Агар бунда 7-сонли БҲМС 15-бандида назарда тутилган бошқа харажатлар ҳам амалга оширилган бўлса, улар ҳам НМАнинг бошланғич қийматига киритилади.

Жами даромад юридик шахс томонидан Ўзбекистон Республикасидаги ва унинг ҳудудидан ташқаридаги манбалардан ҳисобот (солиқ) даври мобайнида олинган даромадлардан иборатдир.

Қадоқлар борасида техник регламент мавжуд бўлиб, ушбу регламент қадоқларга нисбатан турли талабларни белгилайди.

Хусусий бандлик агентликлари  фаолияти «Хусусий бандлик агентликлари тўғрисида»ги қонун билан тартибга солинади.

Солиқ тўловчи мақомини йўқотганда илгари товарларни (хизматларни) олиш чоғида ҳисобга олиш учун қабул қилинган, олинган товарлар (хизматлар) бўйича солиқ суммасига тузатиш киритилиши лозим.

Ушбу ҳолатда ҚҚС ва фойда солиғи бўйича солиқ оқибатлари юзага келади.