Жавоб берамиз

Солиқ тўловчи фақатгина  фойда юзага келганда уни олдин кўрилган зарар ҳисобига камайтириши мумкин.

Корхонангиз томонидан ишлаб чиқарилган ТМЗ хом ашё ёки ярим тайёр маҳсулот бўлишидан қатъий назар, уни шу корхона ичида тайёр маҳсулот ишлаб чиқариш учун бошқа цехга берганингизда, ҚҚС солинадиган айланма вужудга келмайди.

Агар фуқаролик-ҳуқуқий тусдаги шартнома доирасида бажариладиган иш ёки хизматлар бошқа ҳудудда амалга оширилиши керак бўлса, бундай ҳолат шартнома матнида алоҳида белгилаб ўтилгани мақсадга мувофиқ. 

Сиз енгил автомобилни ЯТТ сифатида эмас, ундан аввал ЯТТ бўлмаган жисмоний шахс сифатида импорт қилгансиз. Шу сабабли автомобилдан тадбиркорлик мақсадида фойдалансангиз ҳам, импорт чоғида тўланган ҚҚС суммасини ҳисобга ололмайсиз.

Коммунал-маиший аҳамиятга молик ерлар солиқ солиш объекти сифатида ҳисобланмайди.

Ушбу тўловлар меҳнатга ҳақ тўлаш тарзидаги даромадлар ва ходимларнинг бошқа даромадлари бўлиб, ЖШДСга тортилади.

Бир корхона бошқа корхонага қўшиб олинаётганида, икки корхонанинг баланс кўрсаткичлари сатрма-сатр бир-бирига қўшилади. Асосий воситалар бўйича ҳам шундай.

Товар текин беришда солиқ оқибатлари шундай бериш иқтисодий жиҳатдан ўзини оқлай олишлигига боғлиқ.

Мол-мулк солиғи ва ер солиғи бўйича имтиёзлар соғлиқни сақлаш объектларига қўлланилади.

Меҳнат кодексининг 155-моддасига мувофиқ, меҳнат шартномасини бекор қилиш иш берувчи ташаббуси билан ҳам амалга оширилиши мумкин. 

Сизнинг вазиятингизда таъсисчи даромад олган деб ҳисобланмайди, у корхонага товар билан берган қарзини шу суммада пул кўринишида қайтариб олган.

Солиқ даври давомида жами даромади бир миллиард сўмдан ошган солиқ тўловчилар, шу жумладан янги ташкил этилган юридик шахслар ва янги рўйхатдан ўтган якка тартибдаги тадбиркорлар жами даромади кўрсатилган миқдорга етган кундан эътиборан қўшилган қиймат солиғини ва фойда солиғини тўлашга ўтади.

Озиқ-овқат ва йўл чипталарининг қиймати ёки озиқ-овқат ва йўл чипталарининг қийматини қоплаш меҳнатга ҳақ тўлаш тарзидаги даромадга киритиладиган компенсация тўловлари (компенсациялар) жумласига киради.

Ташкилотлар томонидан ўзини ўзи банд қилган шахсларни шартнома асосида бир марталик хизматлар кўрсатиш ва ишларни бажариш бўйича фаолиятга жалб қилишга йўл қўйилади.

Юридик шахслар ўзларининг тадбиркорлик фаолиятларини мувофиқлаштириш ва муштарак мулкий манфаатларини ифода этиш ҳамда ҳимоя қилиш мақсадидаги бирлашмалари нотижорат ташкилоти ҳисобланади.