Жавоб берамиз

Озиқ-овқат маҳсулотларини икки тоифага бўлиш мумкин, биринчиси қишлоқ хўжалиги маҳсулотлари, иккинчиси саноат маҳсулотлари.

Ун, шакар ва ёғ каби озиқ-овқат маҳсулотларининг  берилиши натижасида ходимлар моддий наф тарзидаги дароомадга эга бўлган ҳисобланади.

Агар корхонангиз томонидан амалга ошириладиган таъмирлаш ишлари СК 483-м. 20, 21-қисмларидаги талабларга мувофиқ келса, ижтимоий солиқни 1%ли ставкада тўлашга ҳақлисиз.

Давлат солиқ хизмати белгиланган муддатда банкка солиқ тўлаш топшириғини тақдим этмаганлиги учун корхона раҳбарига жарима солишга ҳақлидир.

Хўжалик юритувчи субъектлар ҳар ойда баланснинг валюта моддаларини ҳисобот ойининг охирги санасидаги ва хўжалик операцияларини содир этиш санасидаги Марказий банкнинг курси бўйича қайта баҳолашни амалга оширади.

Солиқни (йиғимни) нотўғри ҳисоблаб чиқариш ёки бошқа ғайриқонуний ҳаракатлар (ҳаракатсизлик) натижасида солиқ (йиғим) суммасини тўламаслик ёки тўлиқ тўламаслик, тўланмаган солиқ (йиғим) суммасининг йигирма фоизи миқдорида жарима солишга сабаб бўлади.

Ушбу қисмнинг 3-хатбошисида «жорий солиқ даври дейилганида», турли солиқ тўловчиларнинг 2022 йил 1 сентябрдан кейин илк марта жами даромади 10 млрд.сўмдан ошган йил назарда тутилган.

Сизнинг корхонангизда банк депозитлари бўйича фоиз кўринишидаги ҚҚСсиз айланма мавжуд экан. Шу сабабли ҚҚСсиз айланма улушига мутаносиб келувчи кирувчи ҚҚС суммалари ҳисобга олинмайди.

Ходимнинг соғлиғига шикаст етказилганлиги муносабати билан иш берувчи томонидан бир йўла тўланадиган нафақа тариқасида жабрланувчининг йиллик ўртача иш ҳақи миқдоридаги тўловлар ЖШДС солиш мақсадида унинг даромади ҳисобланмайди.

Эксперт фикрига кўра, ажратиб чиқариш шаклида қайта ташкил этилган янги B ташкилотнинг балансида тан олинган гудвилл СК 307-моддасига кўра номоддий актив деб тан олинмайди. Демак, бундай гудвилл амортизациясининг фойда солиғига таъсирини аниқлашда СК 307-моддаси меъёрлари, хусусан, унда белгиланган муддатлар қўлланилмайди.

Масъулияти чекланган ҳамда қўшимча масъулиятли жамиятлар тўғрисидаги қонун билан устав фондининг минимал миқдори белгиланмаган.

Хушбўйлаштирувчи ёки ранг берувчи қўшимчаларсиз оқ шакар импорт қилинганда акциз солиғи тўланади, кейинчалик реализация қилинганда тўланмайди.

Аниқлаштирилган ҳисобот топширишга мажбурсиз.

Контейнер бу кўчар мулк ҳисобланади, шунинг учун уни е-ижара тизимида рўйхатдан ўтказиб бўлмайди.

2020 йилнинг 1 январигача қабул қилинган солиқ тўғрисидаги қонун ҳужжатларида, шу жумладан Ўзбекистон Республикаси Президентининг ва Ўзбекистон Республикаси Вазирлар Маҳкамасининг қарорларида назарда тутилган имтиёзлар уларнинг амал қилиш муддати тугагунига қадар амал қилади.