Жавоб берамиз

Корхона меҳмонхона сифатида фаолият кўрсатишни 2021 йил октябрдан бошлаган бўлса, ушбу солиқ имтиёзлари ва преференцияларини ҳам шу даврдан бошлаб қўллаши керак.

Мулкдор бинони корхонангизга текинга фойдаланишга бериши товарларни (хизматларни) реализация қилиш ҳисобланмайди. Шу сабабли у корхонангизга ЭҲФ тақдим этмайди.

Айланмадан солиқ тўловчи бўлган корхона чел эл корхонасининг филиалига бинони ижарага берса, ҚҚС тўламайди.

Эксперт фикрига кўра, агар корхонанинг локал ҳужжатларида (мисол учун, жамоа шартномасида) ходимларни овқат билан таъминлаш кўзда тутилган бўлса ва бундай таъминлаш иқтисодий жиҳатдан ўзини оқласа, бу товарларни реализация қилиш айланмаси ҳисобланмайди ва ҚҚС солинмайди.

Бюджет ташкилотида бош бухгалтер бухгалтер ишини ички ўриндошлик асосида бажариши мумкин.

Тўлиқ амортизация қилинган бинонинг бозор баҳосини корхонанинг ўзи аниқлаши ёки мустақил баҳоловчи ташкилот билан шартнома тузиб, баҳолаттириши мумкин.

Жамғарилган эскириш суммаси корхона учун аҳамиятли, йўл қўйилган хато жорий йилнинг молиявий натижаларига таъсир кўрсатмаслиги керак. Шу сабабли харажатга олиб борилган суммаларнинг тузатилиши йил бошига 8700 «Тақсимланмаган фойда (қопланмаган зарар)ни ҳисобга олувчи счётлар»даги сальдо орқали амалга оширилади.

Йўқ, корхона ўз хоҳишига кўра кунгабоқар ёғини ҚҚС билан сотиши мумкин эмас.

Хатони тузатиш мақсадида ЖШШИР нотўғри кўрсатилган ҳисоботларни қайта топширишингиз мақсадга мувофиқ.

Маълум ҳажмдаги ишларни бажариш ёки бирон бир лойиҳани амалга ошириш зарур бўлганда фақат шу ишларни амалга ошириш учун вақтинча жалб қилинган мутахассислардан иборат жамоа вақтинчалик меҳнат жамоаси дейилади.

Корхона жисмоний шахсга беғараз моддий ёрдам берганида, солиқ оқибатлари моддий ёрдам бериш мақсадлари ва унинг миқдорига боғлиқ.

Юридик шахслар устав фондидаги улушни сотиш бўйича айланма ҚҚСдан озод этилади.

Инвестициявий чегирма янги технологик ускунани ишга тушириш амалга оширилган ёхуд ишлаб чиқариш бинолари ва иншоотларини модернизация қилиш, қурилиш ва реконструкция ишлари амалга оширилган ҳисобот (солиқ) даврида қўлланилади.

Корхона Қозоғистон Халқ банкидан кредит олгани учун алоҳида солиқ имтиёзлари белгиланмаган.

Акциядорларнинг розилиги билан ушбу суммаларни корхона даромадга олганида, мажбуриятларни ҳисобдан чиқаришдан олинган даромад деб тан олиниб, солиқ оқибатлари вужудга келади.