Корхонамиз – ягона солик тўлови тўловчи бўлиб ҳисобланади. Корхона Ўзбекистон фукаролари чет эл интернет сайтлари орқали сотилаётган истеъмол товарларини ўзбек сўмига сотиб олишлари учун шароит яратиб бериш мақсадида ўз сайтини яратмоқчи. Бунда яратилган сайт орқкали жисмоний шахслар билан, улар томонидан чет эл интернет сайти орқали танлаган товарини олдиндан сўмда тўлов қилиш йули билан, бир ой ичида олиб келиб бериш юзасидан (очик оферта) комиссия шартномаси тузилади. Ҳар ой охирида пули тўланган буюртмаларнинг реестри тузилади. Товарларни чет элда корхонамиз номидан сотувчидан олиш, сифатини текшириш ва товарни буюртма берган Ўзбекистон фукаросининг уй манзилига почта хизмати орқали етказиб бериш хизматини кўрсатувчи чет эл корхонаси билан «Агент» шартномаси тузилади. Чет эл корхонаси товарлар эгасига етказилганлигини тасдиқловчи ҳужжатларни илова қилинган ҳолда, бажарилган ишлар ва шартномада белгиланган миқдорда хизмат ҳаки кўрсатилган счёт-фактурани тақдим этгандан сўнг «Агент» га валюта ҳисобида пул маблағи тўлаб берилиши режалаштирилаяпти.