Меҳнат таътили даври учун тўловни ҳисоблаб чиқаришда бекор туриб қолган вақт учун тўланган ҳақни ҳисобга олиш

Корхонамизда ташкилий сабабларга кўра бекор туриб қолган вақт учун ходимларга охирги 2 ойлик маошидан келиб чиқиб ўртача иш ҳақи тўлаб келинган. Бундай тўловлар йил давомида баъзида ярим ой учун, баъзида ҳаттоки тўлиқ бир ой учун тўланган. Меҳнат кодексининг 216-моддасига кўра ходимга ҳар йилги меҳнат таътили берилаётганида ўртача иш ҳақи тўлаб берилади. Меҳнат кодексининг 257-моддасига кўра меҳнатга ҳақ тўлашнинг вақтбай тизимидаги ходимларнинг ўртача иш ҳақи ходимнинг ўртача иш ҳақи сақланиб қоладиган ойдан олдинги охирги календарь ой учун тариф ставкаси (лавозим маоши) миқдоридан келиб чиқиб, ходимнинг ўртача иш ҳақи сақланиб қоладиган ойдан олдинги ўн икки календарь ой учун устамалар, мукофотлар ва бошқа тўловлар суммасининг ўн иккидан бир қисми ўртача иш ҳақига жамланган ҳолда белгиланади.