Меҳнатга лаёқатсизлик нафақасини ҳисоблаш

Корхонамиздаги бир ходимимизнинг меҳнатга лаёқатсизлик варақаси бўйича биринчи ойда охирги 12 ойдаги мукофотлар ва туман коэффициентини қўшиб (моддий ёрдам қўшилмаган), 1/12 қисмини охирги окладга қўшиб, иш кунига бўлиб, касаллик кунлари сонига кўпайтириб, 80%ини тўлаб берган эдик. Қонунчиликка кўра бу ходим 80% миқдорида меҳнатга лаёқатсизлик нафақасини тўлаб бериладиганларга киради. Лекин вақтинча меҳнатга лаёқатсизлик нафақасининг энг кам миқдори қонун ҳужжатларида белгиланган меҳнатга ҳақ тўлаш энг кам миқдорининг 35,2 фоизидан оз бўлмаслиги ва нафака ҳисоблаб чиқариладиган иш ҳақи миқдоридан ортиб кетмаслиги лозимлиги белгиланган. Масалан, ходимнинг охирги 12 ойда олган мукофот пуллари суммаси 79494328 сўмни ташкил қилади. Шу сумманинг 1/12 қисми 6624527,33 сўмни ташкил этди. Охирги ойдаги оклади 5528250 сўм. Ушбу суммаларни қўшсак, жами 12152777,33 сўм. Бу суммани 22 иш кунига бўлиб, 21 касаллик кунига, чиққан суммани 80%га кўпайтирдик, натидажа 9280302,69 сўм чиқди. Бу сумма ходимнинг охирги иш ҳақи суммасидан ошиб кетмоқда.