МЧЖ шаклидаги ишлаб чиқариш корхонаси 2016 йилнинг 4-чорагидан ягона солиқ тўловчиси мақомини олди. Тармоқ коди 17151. Корхона четдан ишлаб чиқариш мақсадларида ТМҚ ва асбоб-ускуналарни олди-сотди шартномаси асосида олиб келди. Ушбу ТМҚ ва асбоб-ускуналар темир йўл оркали контейнерда ортилди. Харид қилинган ТМБ ва асбоб-ускуналар контейнери билан ИМ-40 режимга олинди. 2016 йил сентябрда 1 дона қиймати 200$лик, суммаси бож билан 1 527 327,60 сўм, ҳисобга олинадиган ҚҚС суммаси эса 2 042 426,32 сўм ва 2016 йил августда 3 дона жами қиймати 600$лик, суммаси божхона божи билан 4 566 208,50 сўм, ҳисобга олинадиган ҚҚС суммаси 6 106 184,70 сўм, жами ҳисобга олинадиган ҚҚС суммаси – 8 148 611,02 сўм бўлган ТМҚ сотиб олинди. 2016 йил 4-чорак ҳолатигача ҳеч қандай сотиш айланмаси мавжуд эмас. Корхона 2016 йил 4-чоракдан ягона солиқ тўловига ўтишини ҳисобга олиб, қуйидаги саволларга жавоб берсангиз: 1. Корхона ҚҚС солиғи тўловчиси сирасидан чиққанда ҚҚС бўйича ҳисоботни қандай тўлдириши керак: • Агар товарларни импорт қилишда корхона имтиёзлардан фойдаланмаган бўлса, яъни “божхона” ҚҚС ҳисобга олинган бўлса? • Агар товарлар импортида ПҚ 28.01.2009й. 1050-сон Қарорга асосан ҚҚС бўйича имтиёзлардан фойдаланилган бўлса? 2. ЯСТ тўловчи бўлиши муносабати билан корхона бюджетга ҚҚСни тўлаб бериши керакми?