Бунда олинган фойда 9320 "Бошқа активларнинг чиқиб кетишидан фойда" счетида акс эттирилади.

Юридик шахслар балансида бошқа жамиятларнинг акциялари молиявий инвестициялар сифатида ҳисобга олинади. Молиявий инвестициялар ҳисоби 12-сон БҲМСга мувофиқ юритилади.

Шуъба корхоналарига эга жамиятларда инвестициялар ҳисоби 8-сон БҲМС “Жамланган молиявий ҳисоботлар ва шуъба хўжалик жамиятларига инвестицяларни ҳисобга олиш”га асосан юритилади.

Ўзга компанияларнинг акцияларини сотиб олиш учун қўйилган инвестициялар – молиявий инвестициялар бўлиб ҳисобланади. Молиявий инвестициялар қисқа муддатли ёки узоқ муддатли инвестиция сифатида таснифланиши мумкин. Шунга қараб уларнинг бухгалтерия ҳисоби юритилади.

Молиявий инвестициялар ҳисобини юритишда 12-сон БҲМС, 8-сон БҲМС, 21-сон БҲМС ларга риоя қилган ҳолда бухгалтерия ўтказмалари берилади.