Эгалик ҳуқуқини харидорга бермай туриб кўчмас мулк объектини балансдан чиқариш мумкин эмас.

Юридик шахсга тегишли бўлган ҳар қандай мол-мулкни ўзга шахсларга,  шу жумладан жисмоний шахсларга текинга бериш қонун ҳужжатларига зид эмас, лекин бунда солиқ оқибатлари вужудга келади.

Асосий воситаларни сотишда уларни балансдан чиқариш 5-сон БҲМС ва Молия Вазирлигининг 2004 йил 16 августдаги 101-сон буйруғи билан тасдиқланган Низомга асосан амалга оширилади.

Таъсисчининг жамиятдан чиқиши, улушини олиши ёки сотиши, бошқа жамиятга қўшилиши, устав капиталини ошиши ёки камайиши каби масалаларга тегишли тартиб-қоидалар “Масъулияти чекланган ҳамда қўшимча масъулиятли жамиятлар” тўғрисидаги қонунда белгиланган.

Аукцион савдоси орқали сотилган мол-мулк қиймати олди-сотти шартномасида савдо натижасида шаклланган якуний қиймат бўйича белгиланади ва шу қийматда харидорга берилади. Бунда вазиятга қараб ЯСТ, фойда солиғи, ҚҚС тўлаш мажбурияти юзага келиши мумкин.

Корхона мулки бўлган автомобилни жисмоний шахсга (шу жумладан корхонада ишлаган ёки ишлаётган  ходимга) совға сифатида бериш мумкин. Автомобиль қийматини унинг мулкдори бўлган юридик шахс белгилайди, мустақил баҳолаш ташкилоти томонидан баҳолаш талаб қилинмайди.

Устав капиталига топширилган барча активлар узоқ муддатли инвестицияларни ҳисобга олувчи ҳисобварақ (0600) дебетида акс эттирилади.

Агар муассислар қарорида тўлиқ эскириш ҳисобланган асосий воситалар қолдиқ, яъни ноль қийматда топширилиши белгиланган бўлса, автотпранспортни ноль қийматда топширилишида ҳеч қандай қонун нормалари бузилиши мавжуд эмас.

Ҳисоблаб ёзиш тамойилига мувофиқ харажатлар бухгалтерия ҳисобида пул маблағлари олинган ёхуд тўланган пайтда эмас, балки шу ҳаражатлар ҳақиқатда юзага келган пайтда акс эттирилади.

Улар дастлабки қиймат таркибида  9210 "Асосий воситаларнинг чиқиб кетиши" ҳисобварағи дебетидан ҳисобдан чиқарилади

Б ташкилот ускунани импорт шартномасига қўшимча келишувда белгиланган нархда қайтариши лозим.