Ходимга ортиқча солиқ суммаси қайтарилганда 6710 счётда кредит бўйича сальдо ҳосил бўлади ва бу корхонанинг ходимга иш ҳақи бўйича қарзини кўрсатади. 

Ортиқча ҳисобланган таътил ҳақини қайтаришда таътил пули ҳақиқатдаги таътил вақти учун қайта ҳисоблаб чиқарилади ва сторно ўтказмасини амалга ошириш йўли билан тузатиш киритилади.

Жисмоний шахснинг асосий бўлмаган иш жойидан оладиган даромадига тўлов манбаида белгиланган ставкаларда солиқ ушлаб қолинади. Жисмоний шахс солиқни максимал ставкада ушлаб қолиш тўғрисида ариза берса, ЖШДС максимал ставкада ушланади.

Ходимнинг юридик шахсдан оладиган даромади унинг аризасига биноан ушлаб қолиниши ва ушбу аризада кўрсатилган мақсадлар учун ўтказиб берилиши қонун томонидан таъқиқланмаган.

Ходимнинг иш ҳақидан ушлаб қолиш ҳолатлари МКнинг 164-моддаси билан тартибга солинади.

Жамоат ишларига жалб этилаётган шахсларга тўланадиган даромаднинг  буюртмачи-корхона маблағлари ҳисобидан бериладиган қисми ЖШДС ва ЯИТга тортилади, жамғарма ҳисобидан тўланадиган қисми уларни тўлашдан озод. Ҳисобланган иш ҳақининг тўлиқ миқдоридан суғурта бадаллари ушлаб қолинади. ШЖБҲРга бадаллар ЖШДС солинадиган суммадан ҳисобланади.

Жисмоний шахслар даромадига Солиқ кодексида белгиланган тартибда солиқ ва бошқа мажбурий тўловлар ҳисобланади.