Тўлов топшириқномаси, шунингдек бухгалтериянинг бирламчи ҳужжатлари шундай расмийлаштирилиши керакки, унда акс эттрилган маълумотлар тушунарли бўлиши, ҳужжатдан фойдаланган шахсни адаштирмаслиги керак.

Бухгалтерия ҳужжатларини электрон тарзда сақлаш мумкин. Бунда ҳужжатларни олиш ва қоғоз шаклидаги нусхаларини тақдим этиш имконияти таъминланиши шарт.

Сторнонинг маъноси – илгари қилинган ўтказмани орқага қайтаришдир. Сторно операциясини икки хил усул билан амалга ошириш мумкин, натижа бир хил бўлади. 

Авизо термини – бу бирор-бир хўжалик ёки молиявий операциянинг бажарилиши ҳақида маълумот беришни билдиради. У контрагентлар, банклар, филиаллар орасидаги иш юзасидан олиб бориладиган алоқада “хабарнома” сифатида ишлатилиши мумкин.

Солиқ тўловчининг харажатлари асосланган ҳамда ҳужжатлар билан тасдиқланган бўлиши лозим.