Товарларнинг бузилиши ёки йўқолиши табиий йўқотиш меъёрларидан ошиши содир бўлганда СКнинг 269-моддасининг 1-қисм 2-бандига асосан ҳисобдан чиқарилади.

Ҳа, корхона солиқ органларидаги ортиқча тўланган ҚҚС суммаларини қайтариб олиб, сўнгра уни божхона тўловлари бўйича қарздорликни сўндиришга йўналтириши мумкин.

Товарни бепул бериш товарни реализация қилиш айланмаси ҳисобланади ва ҚҚСга тортилади, бундан шундай бериш иқтисодий жиҳатдан ўзини оқлайдиган ҳоллар мустасно.

Автомобиль автосалондан сизга берилган кунда сотилган ҳисобланади, ЭҲФ ўша пайтда расмийлаштирилиши керак.

ҚҚС ҳисоб-китобига 3-илованинг 0131-сатрида  Солиқ кодексининг 270-моддасида назарда тутилган тартибда асосий воситалар, кўчмас мулк объектлари ва номоддий активлар бўйича илгари ҳисобга олинмаган қўшилган қиймат солиғи суммасига тузатиш киритиш акс эттирилади.

Товарларни импорт қилиш чоғида ҚҚС божхонада тўланади.

Банк балансидаги асосий воситани сотишда ҚҚС ва фойда солиғи бўйича солиқ оқибатлари вужудга келади.

Агар мол етказиб берувчидан товарни (хизматни) ҳақиқатда сотиб олган бўлсангиз, унинг ҚҚС тўловчиси гувоҳномаси фаол эмаслигидан қатъи назар ЭҲФни қабул қилишингиз керак бўлган, қабул қилиб тўғри қилгансиз.

Ҳа, импорт қилинган асосий восита корхонанинг ўз мулки, уни истаган вақтида сотишга ҳаққи бор.

АЖ акцияларини сотиш товарларни реализация қилиш бўйича айланма ҳисобланади. Бундай айланма ҚҚСдан озод этилган.

Асосий воситаларни дивиденд ҳисобига бериш товарни реализация қилиш айланмаси ҳисобланади ва ҚҚСга тортилади.

Қўшимча ҳисобланган ҚҚС суммаси фойда солиғи бўйича солиқ базасини аниқлашда чегирилади.

Корхона ҳисобидан тўланган ҚҚС суммаси 9430 «Бошқа операцион харажатлар» счётига олиб борилади ва фойда солиғи бўйича солиқ базасини аниқлашда чегирилади.

ҚҚС ҳисобланган ва бюджетга тўланган бўлса, тўлов топшириқномаси асосида автоматик равишда ҳисобга олинади.