Мазкур ҳолатда солиқ оқибатлари корхона авиабилет харажатларини қандай асослаб беришига боғлиқ.

Ҳа, корхона раҳбари ўз фарзанди хусусий мактабда ўқиши учун шартнома суммасини ўз иш ҳақи ҳисобидан тўласа бўлади.

Озиқ-овқат маҳсулотларини икки тоифага бўлиш мумкин, биринчиси қишлоқ хўжалиги маҳсулотлари, иккинчиси саноат маҳсулотлари.

Ун, шакар ва ёғ каби озиқ-овқат маҳсулотларининг  берилиши натижасида ходимлар моддий наф тарзидаги дароомадга эга бўлган ҳисобланади.

Ходимнинг соғлиғига шикаст етказилганлиги муносабати билан иш берувчи томонидан бир йўла тўланадиган нафақа тариқасида жабрланувчининг йиллик ўртача иш ҳақи миқдоридаги тўловлар ЖШДС солиш мақсадида унинг даромади ҳисобланмайди.

Ижара шартномасини 2024 йил учун қайта тузишингиз шарт эмас. Ижара ҳақидан ЖШДСни 2024 йил учун ижара ҳақининг энг кам ставкаларида келиб чиқиб тўлаш лозим.

Фитнес клубдаги машғулот пулининг ходимдан ушлаб қолинмаган 50% қисми у учун моддий наф тарзидаги даромад ҳисобланади.

СК юридик шахснинг бошқарув органи (кузатув кенгаши ёки бошқа шунга ўхшаш органи) аъзоларига юридик шахснинг ўзи томонидан амалга ошириладиган тўловларнинг барчасини меҳнатга ҳақ тўлаш тарзидаги даромадлар жумласига киритган.

Байрам муносабати билан бериладиган моддий ёрдам меҳнатга ҳақ тўлаш тарзидаги даромадларга киради, унга нисбатан Солиқ кодексининг 380-моддасидаги имтиёзни қўллаш мумкин.

Агар ходимларнинг йил давомида биринчи марта 100% бепул даволанишлари ва 2-марта даволанишларининг 50%и жамият томонидан тўлаб берилса, бу улар учун моддий наф тарзидаги даромад ҳисобланади.

Агар битимнинг ёки иқтисодий муносабатларнинг юридик жиҳатдан расмийлаштирилиши уларнинг ҳақиқатдаги иқтисодий мазмунига мувофиқ бўлмаса, солиқ органлари солиқ солиш мақсадида битимнинг юридик тавсифланишини, солиқ тўловчининг мақомини ва (ёки) унинг иқтисодий фаолияти хусусиятини ўзгартиришга ҳақли.

Мазкур ҳолатда  бино ва иншоотлар қуриб битириб бўлинган ва кадастр расмийлаштирилган ва хужжатлар расмийлаштирилмаган. Демак, таъсисчи корхона учун бино ва иншоотларни текинга қуриб берган.

Мазкур ҳолатда вазирлик лойиҳа бошқариш гуруҳи ходимларининг иш ҳақидан ЖШДС ва ижтимоий солиқ ҳисоблаши ва бюджетга тўлаши шарт.

Ўзбекистон норезиденти бўлган жисмоний шахсларнинг даромадларига Ўзбекистоннинг халқаро шартномаларини ҳисобга олган ҳолда солиқ солинади.

Бу ходимга ҳар ойда ойлик иш ҳақини ҳисоблаганингизда, солиқ солинадиган базадан меҳнатга ҳақ тўлашнинг энг кам миқдорининг 3 баравари миқдоридаги даромадни айириб ташлаб, қолган суммани солиққа тортишингиз лозим.