Корхонага фуқаролик-ҳуқуқий тусдаги шартнома асосида хизмат кўрсатувчи жисмоний шахс ариза ёзган ҳолда ўз хизмат ҳақини фарзандининг хусусий мактабда ўқиши учун ёки қонун билан таъқиқланмаган бошқа мақсадларга йўналтириши мумкин. Бу қонун билан чекланмаган.

Ҳа, 2-битим бўйича жисмоний шахс учун ЖШДС бўйича солиқ оқибатлари келиб чиқади.

Фарзандининг нодавлат мактабда таълим олиши учун тўланган ойлик тўловнинг 3 млн сўмгача бўлган қисми ЖШДСдан озод этилади. Агар тўлов 3,8 млн сўмни ташкил этса, 3 млн сўмга имтиёз қўлланилиб, қолган 800 минг сўм умумий белгиланган тартибда ЖШДСга тортилади.

Туркманистон фуқароси таъсис этган, дизель, битум ва кабель каби товарларни Ўзбекистонга импорт қилиб сотадиган корхонада таъсисчининг хорижий фуқаро эканлиги асосидагина алоҳида солиқ имтиёзлари қўлланилмайди.

ЖШДСга тортиладиган даромадлар Солиқ кодексининг 371-377-моддаларида белгиланган ва ушбу моддаларда вазиятда келтирилган ҳолатга мос келадиган даромад тури йўқ.

Ушбу ҳолатда «Бажарилган ишлар учун» деган тўлов изоҳининг ўзи етарли эмас. Агар иш ҳақиқатда бажарилган бўлса, уни тасдиқловчи шартнома ва бирламчи ҳужжатлар расмийлаштирилиб, тўлов солиқ ва бухгалтерия ҳисобида тўлиқ акс эттирилиши зарур. Аксинча, иш бажарилмаган ва тўлов хато ўтказилган бўлса, ФҲТ шартномасини расмийлаштириш эмас, балки маблағни корхонага қайтариш тўғри йўл ҳисобланади.

Таъсисчилар томонидан устав капиталига қурилиш материаллари кўринишида пулсиз улуш киритилганда ЖШДС бўйича ягона ёндашув шаклланмаган. Амалиётда турли ҳуқуқий позициялар мавжуд.

Фақатгина Америка компанияларига масофавий диспетчерлик хизматлари кўрсатилиши ўз-ўзидан ходимларнинг иш ҳақи бўйича ЖШДСдан озод қилиш ёки пасайтирилган ставкани қўллаш учун асос бўлмайди.

Ушбу тўлов меҳнатга ҳақ тўлаш тарзидаги даромад ҳисобланади ва ЖШДС ҳамда ижтимоий солиқ солиш объектига киради.

Мерос қилинган турар жойни 36 ой ўтмасдан сотишда сотиб олиш қийматини аниқлаш тартиби Солиқ кодексида бевосита белгиланмаган.

Агар мазкур бонуслар СКда назарда тутилган бонус дастури талабларига мувофиқ расмийлаштирилган ва ўтказилган бўлса, уларни олувчи жисмоний шахсларда ЖШДС солиш объекти юзага келмайди.

Уй-жой сотиб олишда олинган ипотека кредити ва у бўйича ҳисобланган фоизларни қоплашда ЖШДСдан имтиёз қўлланилади. Бу бандда имтиёзни қўллаш учун мажбурий бўлган бир қатор шартлар белгиланган.

Аутстаффингда ходимларнинг иш берувчиси аутстаффер ҳисобланади. Шунинг учун иш ҳақи бўйича ЖШДС ва ижтимоий солиқни ҳам аутстаффер тўлайди.

Агар пул маблағлари ҳақиқатда жисмоний шахснинг мулки бўлган автомашинани сотиб олиш учун ўтказилган ва автомашина сотиб олинган бўлса, ушбу жисмоний шахсга тўлаб берилган пул маблағлари моддий наф тарзидаги даромад деб эътироф этилмайди.

Агар ижарачи-юридик шахс ижарага берувчи-жисмоний шахсга коммунал харажатлар суммасини қопласа, унда солиқ солиш мақсадида жисмоний шахсда даромад юзага келади. Агар юридик шахс - ижарага олувчи коммунал хизматлар ҳақини бевосита етказиб берувчиларга тўласа, бундай суммалар ижарага берувчининг даромади ҳисобланмайди.