Ҳа, ушбу имтиёзни корхонанинг пенсияда бўлган ходимлари ҳам қўллашга ҳақли. Бунга ҳеч қандай чекловлар ўрнатилмаган.

2 ойлик ишдан бўшатиш нафақаси ЖШДСга тортилади.

Моддий ёрдам суммалари нима муносабат билан берилганлигидан келиб чиқиб, МҲЭКМ 4,22 баробаридаги имтиёз турлича ҳисобланади.

Бузилган уй ўрнига берилган уйнинг бозор қиймати ортиқрок бўлганда уй эгасида моддий наф кўринишидаги солиққа тортиладиган даромад юзага келади.

Агар корхона жисмоний шахслардан уй (деҳқон) хўжалигида етиштирилмаган қишлоқ хўжалиги маҳсулотларини катта туркумларда харид қилса, солиқ органлари ЖШДС бўйича имтиёзнинг қўлланилишини ноқонуний деб эътироф этадилар.

Корхонангиз ижарага олинган турар жой ҳисобланадиган бинода тижорат фаолиятини олиб бориши мумкин эмас, фақатгина нотурар жой бўлиши лозим.

Тасдиқловчи ҳужжатлар асосида йўлкира ва яшаш харажатлари, шунингдек, конунчиликда белгиланган нормалар доирасида хизмат сафарида бўлинган вақт учун тўланадиган кундалик харажатлар учун ҳақ (суткалик пуллар) ходимларнинг даромади ҳисобланмайди.

Ходим банкдан олган ипотека кредити бўйича ЖШДС бўйича имтиёздан фойдаланиши мумкин.

Корхонада хизмат вазифаларини бажариш учун уяли алоқа телефонларидан фойдаланиши керак бўлган ходимлар рўйхатини кўрсатган ҳолда буйруқ расмийлаштириш лозим.

Таъсисчи корхонадан ўз улушини олиб чиқиб кетаётганида, унга улушнинг ҳақиқий қиймати тўлаб берилиши керак.

Жисмоний шахсга мулк ҳуқуқи асосида тегишли бўлган мол-мулкни реализация қилишдан олинган даромадлар мулкий даромадларга киради ва солиққа тортилади.

Юридик шахс устав фондидаги улуш чет эллик корхона томонидан бошқа юридик шахсга ёки норезидент бўлган жисмоний шахсга ёхуд Ўзбекистон Республикаси резидентига реализация қилинган бўлса, бунда норезидент даромадига солинадиган солиқ бўйича солиқ оқибатлари СК 356-моддасига кўра аниқланади.

Жисмоний шахсга хусусий мулк ҳуқуқи асосида тегишли бўлган ТМЗларни сотишдан олинадиган даромадлар ЖШДСга тортилмайди.

Йўқ, ушбу ҳолатда корхона ва таъсисчида солиқ оқибатлари вужудга келмайди.