Жавоб берамиз

Сизнинг ҳолатда Узум маркет билан олди - сотди шартномаси эмас, воситачилик шартномаси тузилади.

Боқувчиси вафот этганлиги муносабати билан зарарни ундиришга ҳақли бўлган шахсларга бир йўла тўланадиган нафақа тариқасида марҳумнинг ўртача йиллик иш ҳақининг олти баравари миқдоридаги тўловлар ушбу жисмоний шахсларнинг даромади ҳисобланмайди.

Штат жадвали (ходимлар сони) иш берувчи томонидан белгиланади, ташкилот ходимлар сонини исталган миқдорда белгилаши мумкин.

Шартномада ҚҚС ставкаси ва суммаси ажратиб кўрсатилмаганлиги сабабли мол етказиб берувчи қўшимча шартнома тузишга мажбур эмас.

Йўқ, корхона 2022 йил учун фойда солиғи ставкасини 50 %га пасайтирган ҳолда қайта ҳисобот топширишга ҳақли эмас.

Банк биноси ҚҚСдан озод қилинган айланмаларни амалга ошириш мақсадида қурилган бўлса, уни қурган корхонага тўланган ҚҚС суммаларини ҳисобга олиш мумкин эмас. ҚҚС суммаси бинонинг бошланғич қийматига киритилади.

Корхонангиз 2023 йил 20 июндан эътиборан ҚҚС тўлашга ўтиб, ушбу санадан бошлаб ЭҲФларни ҚҚС билан тақдим этиши керак эди.

Таъсисчи бино-иншоотларни қурдириб корхонага бериб юборган бўлса, бу жараён тегишли равишда ҳужжатлаштирилиши лозим.

Корхона ўз балансидаги кўчмас мулкни жисмоний шахсга ўтказса, вазиятда кўрсатилган солиқ имтиёзларини қўллаш имкони йўқолади.

Агар корхона хали тайёр маҳсулотини сотмаган бўлса, сотилган маҳсулот таннархи сифатида тан олинадиган харажат ҳам йўқ. Демак, фойда солиғи ҳисоб-китобида ҳам 2010 счётидаги коммунал тўловлар бўйича харажатлар кўрсатилмайди.

Корхона айланмадан олинадиган солиқни қатъий белгиланган ставкада тўлашга 2023 йил 1 июлдан ўтганлиги сабабли, йил охиригача 15 млн.сўм миқдорида ойига 2,5 млн.сўмдан солиқ тўлайди

Товарни бундай бепул бериш ҚҚС ва фойда солиғи солиш мақсадида иқтисодий жиҳатдан оқланган деб эътироф этилади. Ушбу солиқлар бўйича солиқ оқибатлари вужудга келмайди.

Лизинг объекти муддатидан олдин қайтарилганда лизинг объектининг чиқиб кетишидан молиявий натижа аникланади.  Аниқланган молиявий натижа фойда ёки зарарга оборилади. Молиявий ижара шартномаси бўйича олинган асосий воситаларни қайтариш натижасида лизингга берувчи корхона тўланган маблағларни жамиятга қайтариши керак эмас.

Ўзбекистон Республикасининг божхона чегараси орқали товарларни олиб киришни (импортни) амалга оширувчи юридик шахслар ва якка тартибдаги тадбиркорлар қайси сана олдинроқ келишига қараб импорт шартномаси тузилган ёки товарлар олиб кирилган (импорт қилинган) санадан бошлаб қўшилган қиймат солиғини ҳамда фойда солиғини тўлашга ўтади