Муассисимиз (ягона таъсисчимиз) - давлат улуши юқори бўлган банк. Корхонамиз ташкилий-ҳуқуқий шакли - МЧЖ. Бюджет ташкилотлари ва давлат унитар корхоналарининг асосий воситаларини ҳамда қурилиши тугалланмаган объектларини оммавий савдоларда сотиш мажбурий эканлигидан хабардормиз (ВМ 31.12.2009 йилдаги 343-сон қарорига 1-илова). Аммо биз на бюджет ташкилоти, на давлат унитар корхонаси ҳисобланамиз. Бироқ шундай бўлса ҳам банк юристлари корхонамизнинг бирор-бир мулкини (масалан, фойдаланилмаётган асосий воситалар) тўғридан-тўғри шартнома тузган ҳолда сотишимиз мумкин эмас, дея талқин қилишади (бу эса ортиқча харажатларга олиб келади, масалан аукционга тўланадиган хизмат ҳақи). Корхонамиз мулкининг тўғридан-тўғри сотилиши нечоғлик қонунга зид? Масалан, бошқа корхоналарга киритилган улушимизни ҳам аукционда сотишга мажбурмизми?