Бойкабилов Баходир Мустафаевич
Специализация: налогообложение и бухгалтерский учет
Корхона таъсисчиси фарзандининг мактаб таълими ва боғча учун тўланган маблағлар жисмоний шахснинг моддий наф тарзида олган даромадлари ҳисобланади (СКнинг 177-моддаси 1-б) ва жисмоний шахслардан олинадиган даромад солиғига тортилади. Мазкур харажатлар ҳақиқатдан ҳам фойда солиғини ҳисоблашда чегирилмайдиган харажатлар деб қаралади (СКнинг 147-моддаси 3-б).
Агар таъсисчи тўлов манбаи бўлган корхона билан меҳнатга оид муносабатларда бўлса (яъни, шу корхонада ишласа), унинг ушбу даромадидан тўлов манбаида ЖШДС ушлаб қолинади ва бюджетга тўланади (СКнинг 184-моддаси 2-абзац 2-б).
Меҳнатга оид муносабатларда бўлмаса, унинг ёзма аризаси асосида жисмоний шахслардан олинадиган даромад солиғини ушлаб қолмасликка ҳақлисиз. Бунда жисмоний шахс моддий наф тарзидаги даромад бўйича декларация асосида солиқ тўлаши шарт (СКнинг 189-моддаси).
Жавоблар улар эълон қилинган санада долзарб ҳисобланади.