2019 йилда таннархидан арзон сотилган ўзи етиштирган қишлоқ хўжалиги маҳсулотлари бўйича ҚҚС қўшимча ҳисобланиши
Тошхужаева Азизахон Акбархужа кизи
Должность: Эксперт "Нормы", налоговый консультант, бухгалтер
Специализация: налогообложение, бухгалтерский учет
2019 йилда товарлар таннархидан паст нархларда реализация қилинган тақдирда, ҚҚС солиш мақсадлари учун солиқ солинадиган база уларнинг таннархидан келиб чиқиб белгиланади (2007 йил таҳриридаги СК 204-моддаси 2-қисми).
Бироқ 2019 йилнинг 1 октябрига қадар ўзи етиштирган қишлоқ хўжалиги маҳсулотини реализация қилиш обороти ҚҚСдан озод эди (2007 йил таҳриридаги СК 208-моддаси 28-банди). Ушбу имтиёз 2019 йил 1 октябрдан бекор қилинди (Президентнинг 27.06.2019 йилдаги №ПФ-5755 сонли фармони 3-банди). Ўзи етиштирган қишлок хўжалиги маҳсулотларини реализация қилиш обороти 2019 йил 1 октябрдан эътиборан ҚҚСга тортила бошлаган. Шу сабабли корхонангиз 2019 йилнинг октябрь-декабрь даврида таннархидан арзон сотилган ўзи ишлаб чиқарган қишлоқ хўжалиги маҳсулотлари бўйича таннарх ва реализация қилиш нархи орасидаги фарқдангина ҚҚС тўлаши керак.
Ушбу фарқ суммасидан ҳисобланган ҚҚС корхона харажатларига олиб борилади. Солиқ қонунчилигининг ушбу талабини бажариш мақсадида корхона харажатларига олиб бориладиган бюджетга тўланадиган солиқ суммалари 2019 йилда фойда солиғини ҳисоблашда чегириладиган харажатлар таркибига киритилган (2007 йил таҳриридаги СК 145-моддаси 21-банди).
Жавоблар улар эълон қилинган санада долзарб ҳисобланади.