Аниқлаштирилган ҚҚС ҳисоб-китобини тақдим этишда юзага келган муамммолар билан ишлаш

Жорий йилнинг сентябрь ойига қадар 15%ли ставка бўйича ҚҚС ҳисобланиб, ҚҚС ҳисоб-китоби топшириб келинган. Кейинчалик бизга маълум бўлдики, фаолиятимиз Ўзбекистон Республикаси Солиқ Кодексининг 243-моддасига кўра солиқдан озод этилган фаолият турига мансуб экан. Шу сабабдан 2021 йил апрель ойидан бошлаб топширилган барча ҚҚС ҳисоботларини қайтадан топшириш мажбурияти юзага келди. ДСБга мурожаат қилганимизда, бу вазиятда ҚҚСдан озод қилинган суммани ҚҚС ҳисоботининг 3-иловаси 0601-сатрида ҳар ой ўсиб борувчи тартибда кўрсатиб бориш кераклигини билдиришди. Лекин 2021 йил июль ойи ҚҚС ҳисоботини топшириш жараёнида бир муаммога дуч келдик. Муаммо шундаки, ҚҚС ҳисоботининг 3-иловаси 0601-сатрига қўйиб келинаётган сумма июнь ойидан камга фарқ қилганлиги учун 060-сатрда “Ошибка****” ёзуви пайдо бўлмоқда ва шу сабабдан ҳисоботни топширишнинг имкони бўлмаяпти. Июль ойидаги сумма июнь ойидаги суммадан камлигининг сабаби – июнь ойида харид қилинган товар июль ойида етказиб берувчига қайтарилган эди.