Асосан макарон маҳсулотлари ишлаб чиқариш билан шуғулланадиган ҳамда улгуржи савдо қилишга махсус рухсатномага эга бўлган жамиятимиз ягона солиқ тўловчи ҳисобланади. Маҳсулотларимиз гафрокаробкаларда қадоқланади. Гафрокаробкалар жамиятимиз томонидан ишлаб чиқариш фаолиятида фойдаланиш учун харид қилинган (жами 100 тонна) қоғозлардан давал шартномаси асосида бошқа корхоналарда тайёрланади. Жамиятимизда ишлаб чиқариш фаолияти қисқарганлиги натижасида, жамиятимиз талабдан ортиқ бўлган (70 тонна) коғозларни пул кўчириш орқали бошқа ташкилотларга сотиб юборди. Қоғоз сотувидан тушган тушумдан банк тўғридан тўғри ягона солиқ тўлови учун 5% миқдоридаги бўнак тўлови амалга оширди. Жами тушум қуйидагича: макарон маҳсулотлари сотуви 85%, қоғоз сотуви 15%.