А корхона Б корхонага қайтарилмайдиган молиявий ёрдам шартномаси асосида пул ўтказганида, томонларда фойда солиғи бўйича солиқ оқибатлари пайдо бўлади.

МЧЖ давлат улуши бўйича дивиденд тўлаб бераётганида солиқ агенти сифатида 5%ли ставкада солиқ ушлаб қолиб, дивиденд тўланадиган санадан кечиктирмай бюджетга тўлаб бериши лозим. Солиқ коди – 35.

Жисмоний шахсга пуллик фоизсиз қарз берилганда, томонлар даромад кўрмайди. Шу сабабли бунда солиқ оқибатлари ҳам вужудга келмайди.

Б корхона А корхонанинг кредити тўловларини тўлаб берганида аввал А корхона ундан қарздор бўлиб туради, бунда солиқ оқибатлари бўлмайди.

Вакиллик харажатлари, юридик шахснинг ходимларнинг меҳнат ва дам олиш шароитларини таъминлаш билан боғлиқ ҳамда муайян жисмоний шахсларнинг даромади ҳисобланмайдиган бошқа харажатлари ЖШДС солиш мақсадида даромад деб қаралмайди ва бу солиқ бўйича солиқ оқибатларини келтириб чиқармайди.

Агар пудратчи ушбу ТМЗларни йўл қурилишида ишлатса, унга берилган ТМЗлар реализация қилинган деб ҳисобланмайди ва ҚҚС солинмайди. Бунда ЭҲФ расмийлаштирилмайди.

Коронавирус пандемияси муносабати билан қабул қилинган Президент Фармонларининг бирортасида ҳам товарлар экспортидан валюта тушуми ўз вақтида келиб тушмаганида фойда солиғи бўйича солиқ базаси камайтирилиши ёки 0% даражали ставка қўлланишили мумкинлиги белгиланмаган.

Корхонангиз ишлаб чиқариш линияларининг технологик хусусиятларидан келиб чиқиб, келгуси харажатлар учун шакллантирган захираси фойда солиғи бўйича солиқ базасини аниқлашда чегирилмайди.

Бир корхона бошқа корхонага фоизсиз қарз берганида қарз берувчи корхона учун солиқ оқибатлари вужудга келмайди.

Корхона банкдан кредит олганида, корхонанинг банк олдида кредит бўйича асосий қарзни ва фоизларни тўлаб бериш мажбурияти юзага келади.

Зарар суммаси чегирилиш ёки чегирилмаслиги тўғрисида эмас, харажат чегирилиши ёки чегирилмаслиги тўғрисида фикр юритилади.

Қонунчилик талабларига асосан белгиланган тартибда ҳисоблаб чиқарилган вақтинча меҳнатга қобилиятсизлик, ҳомиладорлик ва туғиш бўйича нафақалар фойда солиғи бўйича солиқ базасини аниқлашда чегирилади.

Инвестицион чегирмани қўллаш мақсадларида товарларни (хизматларни) ишлаб чиқариш жараёнида солиқ тўловчи томонидан фойдаланиладиган, чиқарилган кунидан эътиборан кўпи билан уч йил ўтган машиналар ва ускуналар (шу жумладан транспорт ускуналари) янги технологик ускуналар деб эътироф этилади.

Б корхона фойда солиғи солиш мақсадида фоизсиз қарзни олган санадаги МБнинг қайта молиялаштириш ставкаси бўйича даромад кўради.

Корхона транспорт воситаларини модернизация қилиш учун йўналтирган маблағларига нисбатан инвестицион чегирмани қўллашга ҳақли.