Жавоб берамиз

Ўзбекистон Республикаси Адлия вазирлиги томонидан 2012 йил 21 майда 2366-сон билан рўйхатга олинган, ИИВ Буйруғи билан тасдиқланган “Ўзбекистон Республикаси фуқароларини Тошкент шаҳри ва Тошкент вилоятида турган жойи бўйича ҳисобга олиш тартиби тўғрисида”ги  Йўриқноманинг 11-бандига асосан таълим муассасасига ўқишга қабул қилинган фуқаролар ўқиш даври учун ҳисобга олинади.

Йўқ, Сизнинг корхонангиз   ягона солиқ тўлови тўловчиси бўлиши мумкин эмас.

Ушбу масала 15.03.2012 йилда Адлия вазирлигида 2342-сон билан рўйхатга олинган “Хўжалик юритувчи субъектларнинг банк ҳисобварақларидан пул маблағларини ҳисобдан чиқариш тартиби тўғрисидаги Йўриқнома”си(матн давомида - Йўриқнома) билан тартибга солинади.

Корхона тасарруфида бўлмаган автомототранспорт воситасидан ишлаб чиқариш мақсадларида фойдаланиш учун автотранспорт воситасининг ижара шартномаси тузилиши керак.

Кўчмас мулк объектини олди-сотди битимини ҳақиқий эмас деб топиш тўғрисидаги даъво аризаси фуқаролик ишлари бўйича суди томонидан кўриб чиқилганлигининг сабаби даъвогар фуқаро (жисмоний шахс) бўлганлигидан иборатдир. Шу боис ушбу ҳолатда қонун талаби бузилмаган.

Ҳали 16 ёшга тўлмаган ва ота-оналари (васийлари) билан бирга яшайдиган болаларни рўйхатдан ўтказиш (прописка қилиш) туғилганлик тўғрисидаги гувоҳнома бўйича, улар ҳақидаги маълумотларни уй дафтарларига (рўйхатдан ўтказиш карточкаларига) киритиш орқали амалга оширилади.

Паспорт тизими тўғрисидаги низомга мувофиқ биометрик паспорт - Ўзбекистон Республикаси фуқаролигини ва унинг эгаси шахсини тасдиқлайдиган, шахсий биографик маълумотлар ва биометрик параметрлар билан биргаликда ахборотнинг электрон ифодаловчиси (чип)ни ўз ичига олган ҳужжат.

Сизга хорижга чиққунча яшаш жойингиздаги ички ишлар органининг чиқиш-келиш ва фуқароликни расмийлаштириш бўлимига болангизда Германия фуқаролиги ва паспорти борлиги тўғрисида хабар беришингизни тавсия қиламиз. Кейин эса болангиз учун битта фуқароликни белгилаш тўғрисида бир қарорга келишингиз керак.

АВ томонидан 2012 йил 4 майда 2358-сон билан рўйхатга олинган, ИИВ буйруғи билан тасдиқланган “Ўзбекистон Республикаси фуқароларини Тошкент шаҳри ва Тошкент вилоятида доимий прописка қилиш тартиби тўғрисида”ги Йўриқноманинг 5-бандига мувофиқ тўғри шажара бўйича биринчи ва иккинчи даражадаги қариндошлар, яъни ота-она фарзандларининг, фарзандлар ота-оналарининг, бобо ва бувилар невараларининг, неваралар бобо ва бувиларининг уй-жой майдонига прописка қилинади.

Йўқ, чегараланмаган.

Умумий қоидага кўра, меҳнатга оид муносабатларнинг субъектлари – Иш берувчи ва ходим хисобланиб (Меҳнат кодексининг 14-, 15-моддалари, кейинги ўринларда – “МК” деб юритилади), “пенсионер” бўлишидан қатъий назар у ходим бўлиб қолади.

Ширкатнинг устави, ёки унинг аъзоларининг умумий йиғилиши томонидан ушбу масала ҳал этилиши лозим. Агар у очиқ қолдирилган бўлса, қайта ҳисоб-китоб қилиш ва фарқни мулкдордан тўлашни талаб қилиш учун асос мавжуд эмас.

Синов тўғрисидаги келишув меҳнат шартномасининг қўшимча шарти ҳисобланади. Мулкчиликнинг барча шаклидаги корхоналар, муассасалар, ташкилотларда дастлабки синов муддати уч ойдан ошиб кетиши мумкин эмас (МКнинг 85-моддаси).

СКнинг 38-моддасига асосан Солиқ тўловчи солиқ даври тугаганидан кейин беш йил ичида солиқлар ва бошқа мажбурий тўловларнинг ортиқча тўланган суммаларини ҳисобга олишни ёки қайтаришни талаб қилишга ҳақли.

Сизнинг корхонангизда жамоат шартномаси ёки алоҳида локал ҳужжатлар билан кўзда тутилган тўлов шартлари ва тартиби, агар мазкур ҳужжатларда бошқа шартлашувлар бўлмаса, синов муддатини ўтаётган ходимларга ҳам татбиқ этилади. Бу барча тўловларга, жумладан моддий ёрдам пуллари ва ҳар хил турдаги мукофотларга ҳам тааллуқли.