Берилган валютанинг кейинчалик улушга айланиши

2021 – 2023 йиллар давомида корхонага хорижий корхонадан валюта маблағлари келиб тушган. Ушбу маблағлар миллий валютага конвертация қилиниб хўжалик фаолиятида ишлатилган. Шу даврда хорижий корхона олдидаги қарздорлик 6990 “бошқа мажбуриятлар” ҳисобида юритилган ва доимий равишда қайта баҳоланган. Баҳолаш натижалари тегишли тартибда бухгалтерия ҳисобида акс эттирилган. 2024 йилнинг март ойида корхона таъсис ҳужжатларига ўзгартиришлар киритилиб, устав фонди оширилди ва таъсисчилар орасига хорижий корхона ҳам киритилди. Хорижий корхонанинг улуши олдинги йиллардаги валюта ўтказмаларидан ташкил топди, хорижий инвесторнинг улушини аниқлашда валюта маблағлари келиб тушган санадаги валюта курси асос қилиб олинди ва қайта баҳолаш (курс фарқи) инобатга олинмади. Натижада, корхонанинг хорижий корхона (таъсисчи) олдида қурс фарқи ҳисобига маълум сумма қарздорлиги мавжуд.