Жавоб берамиз
Банк тизими
Банк хўжалик юритувчи субъект томонидан тақдим қилинган «Хорижий валютани харид қилиш буюртманомаси» асосида биржадан ташкари валюта бозорида қатнашади. Қайси муассаса ушбу буюртманома бўйича талабларнинг қай даражада бажарилаётганлиги ҳақида хўжалик юритувчи субъектни хабардор қилиши керак.
Кўрсатилган ҳужжатга асосланган ҳолда банкнинг ўзи сизнинг буюртманомангиз бўйича қарор тўғрисида хабардор қилиши керак эди. Бундай хабарноманинг мавжуд эмаслиги боис банкка ахборот тақдим этилиши юзасидан мурожаат қилиш лозим.
Юқоридагилардан келиб чиқиб, банк ходимларининг Банк Бошқаруви томонидан қайта кўриб чиқилиб, ўзгартиришлар киритилган лавозим тариф разрядлари қайси муассаса томонидан тасдиқланиши бўйича тегишли қонуний асос бўлувчи жавоб беришингизни сўраймиз?
Штат жадвалини тасдиқлаш ва ходимларнинг иш ҳақи миқдорини белгилаш, ташкилот Уставида бундай ваколат кимга юклатилган бўлса, шу бошқарув органи томонидан амалга оширилади.
Банкда 22-23 август кунлари умумхалқ хайрия ҳашари ўтказилиши белгиланди. Шунингдек Марказий банк томонидан 22 август куни банкларда «очиқ баланс билан иш куни» деб эълон қилинди. Бир вақтнинг ўзида 22 август ҳам шанбалик, ҳам иш куни деб эълон қилинганлиги учун ходимлар ўз розиликлари билан ҳам шанбаликка, ҳам ишга жалб қилиндилар. Бу ҳолатда тегишли хужжатлар қандай расмийлаштирилади ҳамда ходимга дам олиш куни ишлаганлиги учун ҳақ ва шанбалик учун бир кунлик иш ҳақи қандай миқдорларда ҳисоблаб тўланади?
Банкда 2015 йил 22-23 август кунлари ҳам шанбалик, ҳам иш куни деб эълон қилинганлиги юқорида белгиланган асослар бўйича ва тартибда МКнинг 129, 130, 132 ва 157-модда талабларини бажарган ҳолда йўл қўйилади.
Хўжалик юритувчи субъектнинг асосий ҳисобварағидан маблағларни талабларни қондириш учун мутаносиб равишда ҳисобдан чиқариш тартиби тўғри ёки нотўғри эканлигини қандай аниқлаш мумкин?
Ушбу масала 15.03.2012 йилда Адлия вазирлигида 2342-сон билан рўйхатга олинган “Хўжалик юритувчи субъектларнинг банк ҳисобварақларидан пул маблағларини ҳисобдан чиқариш тартиби тўғрисидаги Йўриқнома”си(матн давомида - Йўриқнома) билан тартибга солинади.
Иш хаки олишга банк чекини кимлар тулдиради? Чеклар фойдалинилгач банкка кайтариладими? Чеклар кайси хукукий хужжатлар билан нормаллаштирилади?
Марказий Банк Бошкарувининг 2008 йил 17 майдаги 12/2-сонли Карори билан тасдикланган «Тижорат банкларида касса ишини ташкил этиш, инкассация ва кимматликларни ташишга доир Йурикнома»нинг 89-бандига асосан, хужалик юритувчи субъектларга банк кассасидан накд пул бериш Йурикноманинг 45-иловасида белгиланган шаклдаги пул чеклари буйича амалга оширилади.
Бизнинг Facebook
Телеграм канали @uz_buxgalter
