Агар қўшимча ҳиссалар ўз вақтида тўлиқ киритилган бўлса, лекин таъсис ҳужжатларига қонунда белгилаб қўйилган муддатда ўзгартириш киритилмаган бўлса, корхона пул маблағларидан текинга фойдаланганлиги учун солиқ оқибатлари  юзага келади.

Агар жамият иштирокчилари умумий йиғилишининг қарори билан кўчатлар қиймати 5 млрд. сўм қилиб тасдиқланган бўлса, улар балансга ушбу қиймат бўйича кирим қилинади.

Ҳа, масъулияти чекланган жамият томонидан бажарилган капитал таъмирлаш ишлари қийматини унитар корхонанинг низом жамғармасига улуш сифатида киритиб низом жамғармаси суммасини кўпайтириш мумкин.

Кўчмас мулк объекти устав фондига қолдиқ қийматда берилганида таъсисчи корхона учун ҳам, кўчмас мулк объектини устав фондига улуш сифатида кирим қилаётган корхона учун ҳам солиқ оқибатлари вужудга келади.

Киритилган валюта маблағлари ҳамда қайта баҳолаш бўйича операциялар баланс счётларида тўғри акс эттирилган. Таъсисчига қарз сифатида акс эттирилган сумма уставга ўзгаришлар давлат рўйхатидан ўтган пайтда хусусий капиталга кўчирилади.

Хусусий корхонанинг устав фонди корхона мулкдорининг қарорига кўра оширилиши мумкин.

МЧЖда устав капиталини жамият иштирокчиларининг уумий йиғилиши қарорига биноан жамиятнинг тақсимланмаган фойдаси, иштирокчиларнинг қўшимча ҳиссалари ёки жамиятга қабул қилинган бошқа иштирокчилар ҳиссалалри ҳисобига ошириш мумкин.

Устав капиталининг ҳолати ва ҳаракати тўғрисидаги маълумотларни умумлаштириш учун 8330 "Пай ва улушлар" счёти мўлжалланган.