Жавоб берамиз

Дори воситаларини реализацияси бўйича айланма ҚҚСдан озод этилган, шунинг учун таннархдан паст нархда сотилганда ҳам мазкур имтиёз амал қилади.

Объект реализация қилинганидан кейин ёки кейинги йили ушбу объект учун амалга оширилган харажатлар қурилиш таннархига киритилмай қолган ҳолатда, уларни 9430 «Бошқа операцион харажатлар» счётига чиқим қилиш мақсадга мувофиқ.

Асосий воситалар ва бошқа мол-мулкнинг сотилишидан кўрилган фойда ёки зарар Солиқ кодексининг 298-моддасига кўра аниқланади.

Ходимга касб касаллигига чалиниши туфайли нафақа тўлаш “Ходимларга уларнинг меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ёки саломатликнинг бошқа хил шикастланиши туфайли етказилган зарарни тўлаш” ҚОИДАЛАРИ асосида амалга оширилади.

Агар корхона товарни ҳақикатда бозор нархидан келиб чиққан ҳолда экспортга реализация қилган бўлса ва буни камерал текширув давомида исботлаб беролса, салбий ҚҚС тўлиқ миқдорда қоплаб берилиши мумкин.

Таъсисчи корхонадан ўз улушини олиб чиқиб кетаётганида, унга улушнинг ҳақиқий қиймати тўлаб берилиши керак.

Жисмоний шахсга мулк ҳуқуқи асосида тегишли бўлган мол-мулкни реализация қилишдан олинган даромадлар мулкий даромадларга киради ва солиққа тортилади.

Корхона балиқ етиштириб сотса, ушбу фаолият тури ҚҚС ва фойда солиғи бўйича солиқ оқибатларини келтириб чиқаради.

Юридик шахс устав фондидаги улуш чет эллик корхона томонидан бошқа юридик шахсга ёки норезидент бўлган жисмоний шахсга ёхуд Ўзбекистон Республикаси резидентига реализация қилинган бўлса, бунда норезидент даромадига солинадиган солиқ бўйича солиқ оқибатлари СК 356-моддасига кўра аниқланади.

Агар ЭРИ айнан корхонангизга олинган бўлса, корхонада уни сотиб олиш суммаси миқдорида даромад пайдо бўлади. Ушбу даромад суммасини айланмадан олинадиган солиқ ёки фойда солиғи бўйича солиқ базасини аниқлашда жами даромад таркибига киритиш ва солиққа тортиш лозим.

Корхона ўз мулкини мустақил равишда белгиланган нархда сотишга ҳақли.

Жисмоний шахсга хусусий мулк ҳуқуқи асосида тегишли бўлган ТМЗларни сотишдан олинадиган даромадлар ЖШДСга тортилмайди.

Таъсисчи корхонангиз устав фонди суммасини айнан дебиторлик қарзи суммасига оширишга қарор қабул қилиши лозим.

Фойда солиғи бўйича юридик шахс учун солиқ объекти – СК XII бўлимида назарда тутилган жами даромад ва харажатлар ўртасидаги фарқ ҳисобланади.

Товарни бепул бериш ҚҚС солинадиган айланма ҳисобланади, бундан шундай бериш иқтисодий жиҳатдан ўзини оқлайдиган ҳоллар мустасно.